Koronavirusla mübarizəyə görə həkimlərin əlavələri niyə ödənilmir? - Qurumlar bir-birinin üstünə atdı
15:28 19 Fevral 2021
Azərbaycanda koronavirus pandemiyası ilə mübarizəyə cəlb olunan orta, kiçik tibb və qeyri-tibb işçilərinin əməkhaqları və ona edilən əlavələrin ödənməməsi ilə bağlı məlumatlar yayılıb.
Femida.az xəbər verir ki, Azərbaycan Tibb Universitetinin həkim-radioloqu Aydın Əliyev bununla bağlı sosial şəbəkələrdə video paylaşıb.
O qeyd edib ki, çox sayda tibb işçisi ötən ayın əlavələrini ala bilməyib:
“Məndə olan məlumata görə, hətta təcili tibbi yardımın həkimləri dekabr ayının da ödənişini ala bilməyib. Nəzərə alaq ki, bir çox tibb işçisi koronavirusla mübarizədə virusa yoluxub. Ona görə də həkimlərin haqqına girmək olmaz. Bəzən tibb bacısı və ya xadimə bizə deyir ki, yol pulumuz yoxdur. Aidiyyəti qurumlar ödəniş məsələsinin Maliyyə Nazirliyinin səlahiyyətlərinə aid olduğunu deyir. İş tələb edəndə və ya hansısa qüsur olanda cəzalandırmalar olur, ancaq əmək haqları məsələsi olanda hər kəs yaxasını kənara çəkir”.
Məsələ ilə bağlı ATU-dan “Report”a bildirilib ki, universitetin klinikasında çalışan həkimlər maaşlarını alınıblar, sadəcə əlavələr hələlik ödənməyib: “Bu da Maliyyə Nazirliyinin görəcəyi işdir”.
İcbari Tibbi Sığorta üzrə Dövlət Agentliyindən isə qeyd edilib ki, Agentlik yalnız təqdim olunan siyahını aidiyyəti üzrə təqdim edir.
Maliyyə Nazirliyindən bildirilib ki, ödəniş üçün Nazirlər Kabineti sərəncam verməlidir: “Hökumətin qərarından sonra ödəniş həyata keçiriləcək”.
Nazirlər Kabineti məsələ ilə bağlı sorğunu cavabsız qoyub. / Report
Femida.az
Oxunub: 536
Oxşar xəbərlər
- Xalq artisti Ənvər Həsənovun koronavirus testi pozitiv çıxıb, vəziyyəti ağırdır
- Azərbaycanda son sutkada 710 nəfər koronavirusa yoluxub
- Azərbaycanda son sutkada 563 nəfər koronavirusa yoluxub, 1 nəfər ölüb
- Azərbaycanda son sutkada 102 nəfər koronavirusa yoluxub, ölən olmayıb
- Azərbaycan dünyada koronavirusla mübarizədə ön sıralarda qərarlaşıb
- Azərbaycanda koronavirusa sutkalıq yoluxma sayı 400 nəfəri keçib
- Azərbaycanda son sutkada 373 nəfər koronavirusa yoluxub, 2 nəfər ölüb
- Azərbaycanda son sutkada 399 nəfər koronavirusa yoluxub, 2 nəfər ölüb
- Azərbaycanda daha 306 nəfər koronavirusa yoluxub, 4 nəfər vəfat edib
- Azərbaycanda daha 333 nəfər koronavirusa yoluxub