Ceyhun Bayramov: “Dünya birliyi Ermənistanın bu addımlarını qınamalıdır”
11:21 26 Fevral 2021
“Bu gün Ermənistanın Azərbaycanın mülki vətəndaşlarına qarşı törətdiyi ən qanlı faciələrdən birinin 29-cu ildönümüdür”.
Femida.az xəbər verir ki, bunu Azərbaycanın xarici işlər naziri Ceyhun Bayramov ADA Universitetində Xocalı faciəsinin 29-cu ildönümü ilə bağlı keçirilən konfransda deyib.
“Bu yaralar hələ tam sağalmayıb. Bunların xüsusi amansızlıqla törədilmiş cinayətlər olmasından əlavə, onu törədənlərin məsuliyyətə cəlb edilməməsi də acınacaqlıdır. Onların məqsədləri Azərbaycan əhalisini məhv etmək idi”, - XİN başçısı bildirib.
Bununla yanaşı, o, Azərbaycanın torpaqlarının işğalına son qoyduğunu vurğulayıb.
“Azərbaycan hər zaman beynəlxalq hüquq normalarına riayət etdiyi halda, Ermənistan bu müharibə zamanı da əvvəlki kimi davranaraq günahsız mülki insanları, uşaqları və qadınları öldürdü. Eyni terror taktikasından istifadə edildi: qəfil gecə hücumları. Məqsəd isə yenə dinc əhalini məhv etmək idi. Döyüş bölgəsindən çox kənarda yaşayan insanlar qətlə yetirildi. Bu, Ermənistanda bu gün də eyni terror ideologiyasına sahib insanların hakimiyyətdə olduğunu göstərir. Bu, cəmiyyətdə cəzasızlıq sindromunun olduğunu göstərir. Müharibə bitdikdən sonra da hərbi ritorikanın şahidi olduq”, - C.Bayramov vurğulayıb.
O qeyd edib ki, Ermənistan hələ də Azərbaycana minalanmış ərazilərin xəritəsini verməkdən imtina edir. “Hesab edirik ki, dünya birliyi Ermənistanın bu addımlarını qınamalıdır”, - nazir söyləyib.
“Biz dünyanı bu məsələlərdə susmamağa, kənar müşahidəçilər olmamağa, ədalətin tərəfini tutmağa çağırırıq”, - XİN başçısı deyib.
O, Azərbaycanın sülh və region ölkələrinin ərazi bütövlüyünə hörmət edilməsinin tərəfdarı olduğunu da vurğulayıb.
Femida.az
Oxunub: 434
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"