Rüşvət üstündə tutulan DGK-nın şöbə rəisinə 4 il həbs cəzası verildi
16:14 26 Fevral 2021
Bakı Ağır Cinayətlər Məhkəməsində Dövlət Gömrük Komitəsinin Enerji Resursları və Dəniz Nəqliyyatında Baş Gömrük İdarəsinin Tranzit şöbəsinin rəisi vəzifəsində çalışmış Ceyhun Babayevin cinayət işi üzrə məhkəmə baxışı başa çatıb.
Hakim Əfqan Hacıyevin sədrlik etdiyi prosesdə hökm oxunub.
Hökmə əsasən, C.Babayev 4 il müddətinə azadlıqdan məhrum edilib.
Hökmə əsasən, o, həmçinin 2 il müddətində dövlət və yerli özünüidarə orqanlarında rəhbər və maddi-məsul vəzifə tutma hüququndan məhrum edilib.
C.Babayev Baş prokurorluq və Dövlət Gömrük Komitəsi tərəfindən birgə keçirilən əməliyyat tədbirləri nəticəsində saxlanılıb.
O, daşıma fəaliyyəti ilə məşğul olan şirkətlərə məxsus malların tranzit gömrük rəsmləşdirilməsinin tezləşdirilməsi müqabilində MMC-lərin səlahiyyətli nümayəndələrindən müxtəlif məbləğli pulu rüşvət kimi almaqda ittiham edilib.
C.Babayevə Cinayət Məcəlləsinin 311.1-ci (rüşvətalma) maddəsi ilə ittiham verilib. / Report
Femida.az
Oxunub: 799
Oxşar xəbərlər
- Rüşvətə görə saxlanılan gömrük əməkdaşlarına bəraət verilib
- Rüşvət alan həkimə elektron qolbaq taxılacaq - MƏHKƏMƏ
- Rüşvətə görə həbs edilən məmurlar apellyasiya şikayəti verib
- Rüşvət alan həkim barəsində cinayət işi başlanılıb
- Rüşvət alan şəxsin ibtidai istintaqı başa çatıb
- Rüşvət alan vəzifəli şəxslərin məhkəməsi başlayıb
- Rüşvətlə sosial yardım "düzəldən" şəxs saxlanıldı
- Rüşvət alan direktorun cinayət işi üzrə istintaq başa çatıb
- Rüşvət almaqda təqsirləndirilən məmurların məhkəməsi başlayır
- Rüşvət alarkən tutulan vergi işçilərinin məhkəməsi başlayır
