Minik maşını traktorla toqquşdu, ölən var
13:12 24 Dekabr 2015
Ağcabədi rayonunda, Ağcəbədi-Zərdab yolunun 7-ci kilometrliyində "Saipa" markalı minik avtomobili ilə “MTD” markalı traktor toqquşub.
Femida.az-ın Fövqəladə Hallar Nazirliyinin (FHN) saytına istinadən verdiyi xəbərə görə, nəticədə minik avtomobilində olan sərnişin, 1975-ci il təvəllüdlü Vəzirov Umud Ağasən oğlu aldığı bədən xəsarətlərindən hadisə yerində vəfat edib və deformasiyaya uğramış avtomobildə sıxılmış vəziyyətdə qalıb.
Fövqəladə Hallar Nazirliyinin yanğınsöndürən-xilasediciləri hadisə yerinə cəlb olunaraq vətəndaşın cəsədini avtomobildən çıxarıb və aidiyyəti üzrə təhvil verib.
Oxunub: 1043
