Ceyhun Bayramov Özbəkistan səfiri ilə görüşüb
18:45 01 Mart 2021

Martın 1-də xarici işlər naziri Ceyhun Bayramov Özbəkistanın ölkəmizdəki fövqəladə və səlahiyyətli səfiri Bahrom Aşrafxanovu qəbul edib.
Xarici İşlər Nazirliyindən Femida.az-a verilən məlumata görə, görüşdə tərəflər bölgədə mövcud olan cari vəziyyət, o cümlədən 10 noyabr 2020-ci il və 11 yanvar 2021-ci il tarixli üçtərəfli bəyanatların həyata keçirilməsi ilə bağlı məsələlər, Azərbaycanın beynəlxalq hüquqa əsaslanan mövqeyi və digər mövzular ətrafında fikir mübadiləsi aparıblar.
Tərəflər həmçinin Azərbaycanla Özbəkistan arasında ikitərəfli əməkdaşlıq münasibətlərinin hərtərəfli inkişafı perspektivlərini müzakirə ediblər. Ölkələrin iqtisadi-ticarət sahəsində əməkdaşlığının genişləndirilməsi və bu xüsusda Hökumətlərarası İqtisadi Əməkdaşlıq Komissiyanın növbəti iclasının keçirilməsinin əhəmiyyəti, humanitar, mədəni sahələrdə əlaqələrin inkişafı, bölgələrarası əməkdaşlığın genişləndirilməsi, eləcə də yüksək səviyyəli səfər mübadilələrinin ikitərəfli əməkdaşlığın daha da irəli aparılması baxımından müsbət töhfəsi vurğulanıb.
Dövlətlərin ikitərəfli müstəvi ilə yanaşı, beynəlxalq platformalarda əməkdaşlığı və qarşılıqlı dəstək məsələləri məmnunluqla qeyd olunub.
Görüşdə Azərbaycan və Özbəkistan arasında əməkdaşlıq münasibətlərinin daha da inkişaf etdirilməsi və genişləndirilməsi üzrə qarşılıqlı razılıq ifadə olunub.
Oxunub: 280
Oxşar xəbərlər
- Ceyhun Bayramov BMT Baş Assambleyasının Prezidenti ilə görüşüb
- Ceyhun Bayramov Erkan Özaralla görüşdü
- Ceyhun Bayramovdan beynəlxalq ictimaiyyətə çağırış
- Ceyhun Bayramov Rusiyaya getdi
- Ceyhun Bayramov Əfqanıstan prezidenti ilə görüşüb
- Ceyhun Bayramov Çavuşoğlu ilə görüşdü
- Ceyhun Bayramov Ayvazyanla Moskvada görüşməyəcək
- Ceyhun Bayramov ABŞ rəsmisi ilə danışdı
- Ceyhun Bayramov ATƏT sədri ilə görüşüb
- Ceyhun Bayramov Türkiyədə baş vermiş helikopter qəzası ilə bağlı başsağlığı ünvanlayıb