Azərbaycanda qeydiyyatda olan 33 min narkoman var
12:28 18 Mart 2021
“Narkoloji Mərkəzdə müalicə alan xəstələrə dərman müalicəsi ilə yanaşı, psixoloqlar tərəfindən fərdi və qrup terapiyaları şəklində psixoloji yardım göstərilir. Mövcud durumu nəzərə alaraq xəstələrə psixoloji yardımın intensivliyi artırılıb”.
Femida.az xəbər verir ki, bunu Səhiyyə Nazirliyi Respublika Narkoloji Mərkəzinin şöbə müdiri Pərvin Məmmədov deyib.
Şöbə müdiri bildirib ki, son dövrlər edilən müraciətlərə əsasən polinarkomaniya, yəni iki və daha artıq sintetik, yarım sintetik və təbii narkotik vasitələrin birlikdə qəbulu halları çoxalıb: “Psixostimulyatorlar qrupundan olan sintetik psixoaktiv maddə “metamfetamin” və opiatların birlikdə qəbulu istifadəçilərin sinir sistemində kəskin pozuntular yaradır. Belə hallarda həkim-narkoloqlarla yanaşı müalicədə həkim-psixoterapevt və həkim-nevropatoloqlara ciddi ehtiyac duyulur.
Hazırda Mərkəzdə qeydiyyatda olan narkotik maddə istifadəçilərinin sayı 33 min 788-dir. Onlardan 618-i qadın, 9-u 15-17 yaşlarda, 18-34 yaşlar arası 12969. Qeyd edim ki, ötən il bu rəqəm 32921 olub. Amma bu artımı Respublikada narkotik maddə istifadəçilərin sayının artması kimi qəbul etmək də düzgün olmaz. Düşünürəm ki, bu Narkoloji Mərkəzə müraciətlərin sayında olan dəyişiklikdir. Yəni biz bunu mərkəzdə aparılan müalicəyə olan inamın artması kimi dəyərləndiririk”.
Femida.az
Oxunub: 415
Oxşar xəbərlər
- “Antinarkomaniya Sahəsində Gənclərin Təşəbbüsü” İctimai Birliyi tərəfindən maarifləndirici çarx çəkilib
- Narkoman qadının körpəsi uşaq müəssisəsinə yerləşdirilib
- “Narkomaniyaya yox deyək!” mövzusunda videokonfrans keçirilib
- Narkomanlığa qarşı mübarizə hər kəsin borcudur
- "İnstaqram"da narkomaniyanı təbliğ edən meyxanaçı saxlanıldı
- Narkomaniyadan xilas olunanlar işlə təmin olunacaq
- Dini radikalizm və narkomaniya ilə bağlı tədbir keçirilib
- Polis rəisi gəncləri narkomaniyaya qarşı birləşməyə çağırdı (VİDEO)
- Xəzər rayonunda narkomaniyaya qarşı mübarizə mövzusunda tədbir keçirilib
- Azərbaycanda narkomanlar tərəfindən törədilən cinayətlərin sayı artır