Vəzifəli şəxslərin qanunsuz əməlləri ilə əlaqədar cinayət işi başlanıb
19:36 29 Mart 2021
Vəzifəli şəxslərin qanunsuz əməlləri ilə əlaqədar cinayət işi başlanıb.
Bu barədə Femida.az
Baş Prokurorluğun Mətbuat xidmətindən məlumat verilib.
Bildirilib ki, dövlətin qanunla qorunan mənafelərinə mühüm zərər vurmaqla korrupsiya hüquqpozmaları törədən vəzifəli şəxslərin müəyyən olunaraq məsuliyyətə cəlb edilmələri istiqamətində prokurorluq orqanları tərəfindən həyata keçirilən məqsədyönlü və ardıcıl tədbirlər davam etdirilir.
Belə tədbirlərdən biri kimi, Xəzər rayon Texniki Qaz İstismarı Xidmətinin rəis müavini vəzifəsində çalışan Bağırov Ramil İxtiyar oğlu və “Azəriqaz” İstehsalat Birliyinin Bakı Regional Qaz İstismarı Departamentinin Xəzər rayon Texniki Qaz İstismarı Xidmətinin Qaz Paylayıcı Stansiyasının operatoru vəzifəsində işləyən Kərimov Mətləb Niyazi oğlunun qanunsuz hərəkətləri barədə daxil olan müraciətlər üzrə Baş prokuror yanında Korrupsiyaya qarşı Mübarizə Baş İdarəsində araşdırma aparılıb.
Aparılan ilkin araşdırma zamanı Ramil Bağırovun Mətləb Kərimovla cinayət əlaqəsinə girərək sonuncu vasitəsilə Xəzər rayonu ərazisində yerləşən ticarət obyekti və yaşayış evlərinin yaxınlığından keçən qaz boru xəttlərinin yerinin dəyişdirilməsi üçün vətəndaşlardan ümumilikdə 5 min 700 manat pul vəsaitini rüşvət qismində almalarına dəlalət edən kifayət qədər şübhələr müəyyən edildiyindən fakta görə Azərbaycan Respublikası Cinayət Məcəlləsinin 308.1 (vəzifə səlahiyyətlərindən sui-istifadə) və 311.3.2-ci (təkrar rüşvət alma) maddələri ilə cinayət işi başlanıb.
Hazırda cinayət işi üzrə zəruri əməliyyat-istintaq tədbirləri davam etdirilir.
Femida.az
Oxunub: 472
Oxşar xəbərlər
- Vəzifəli şəxslərin cinayət işi məhkəməyə göndərildi
- Vəzifəli şəxsləri şantaj edib pul alan sayt rəhbəri həbs olundu
- Vəzifəli şəxslərin əmək haqqı kartları ilə bağlı maxinasiyaları ifşa edilib
- Vəzifəli şəxslər rüşvət alarkən saxlanıldı
- Vəzifəli şəxslərin qanunsuz əməlləri ifşa edildi - Xəstəxanada
- Vəzifəli şəxsin məhkəməsi başlayır
- Vəzifəli şəxsin qanunsuz hərəkətləri ifşa olunub
- Vəzifəli şəxslərin adından istifadə etdi - 70 mindən çox pul mənimsədi
- Vəzifəli şəxslərə cinayət işi açıldı - Qanunsuz ağac kəsilməsinə görə
- Vəzifəli şəxslərə qarşı əməliyyat keçirilir