Mərkəzi Bankdan TÖVSİYƏ
00:06 26 Dekabr 2015
Mərkəzi Bank banklara vəziyyətdən çıxmaqda yardım edəcək
Mərkəzi Bankda (MB) bank sektorunun nümayəndələri ilə keçirilən iclas başa çatıb.
Kommersiya banklarından birinin rəhbərinin "APA-Economics"ə verdiyi məlumata görə, Mərkəzi Bankı iclasda MB-in baş direktoru Rəşad Orucov təmsil edib.
Banklar isə görüşdə İdarə Heyətlərinin sədrləri səviyyəsində təmsil olunub.
Görüşdə manatın devalvasiyaya uğramasından sonra bankların problemli aktivlərinin kəskin artması və bank sektorundakı konsolidasiya prosesi müzakirə olunub.
Bildirilib ki, banklara dollarla krediti olan müştərilərə müvafiq yardımlar göstərmək tövsiyə olunur. Eyni zamanda qeyd olunub ki, MB banklara vəziyyətdən çıxmaqda yardım edəcək.
R. Orucov banklara dollarla krediti olan müştərilərin kreditlərinin restrukturizasiyasını aparmağı tövsiyə edib.
MB rəsmisi qeyd edib ki, bank sektorunda konsolidasiya prosesi sürətlənməlidir.
Bununla yanaşı, banklar manatla olan məhsullarını bazara daha intensiv çıxarmalıdır.
Banklara o da tövsiyə olunub ki, fərdi inkişaf proqramlarını hazırlasın.
Oxunub: 1033
Oxşar xəbərlər
- Mərkəzi Bankın sabiq sədr müavini nazir müşaviri oldu
- Mərkəzi Bank saxta əskinaslarla mübarizəni gücləndirir
- Mərkəzi Bankda yeni təyinat
- Mərkəzi Bank məlumat yaydı
- Mərkəzi Bank yeni məzənnəni açıqladı
- Mərkəzi Bank depozit hərracı keçirəcək
- Mərkəzi Bank uçot dərəcəsini dəyişmədi
- Mərkəzi Bank qalibin adını açıqladı
- Mərkəzi Bank depozit hərracı keçirdi
- Mərkəzi Bank 750 mln. manatı dövriyyədən çıxarıb