Qarabağdan Ermənistana silah daşıyan 39 nəfər həbs olunub
14:07 31 Mart 2021
İkinci Qarabağ müharibəsi zamanı Azərbaycanın Qarabağ bölgəsindən Ermənistana silah daşıyan 39 nəfər həbs olunub və onlara qarşı rəsmi ittiham irəli sürülüb.
“NEWS.am” yazır ki, bu barədə Ermənistanın Baş Prokurorluğu məlumat yayıb.
Həmin şəxslərdən 5 nəfərinə artıq hökm oxunub. Məhkəmə onların 2-ini 1 il, 2-ini 2 il, digərini isə 4 il müddətinə azadlıqdan məhrum edib.
Məlumata görə, 2020-ci il sentyarbın 27-dən noyabrın 9-dək davam edən döyüşlər zaman Qarabağdan silah, sursat, partlayıcı maddə və avadanlıq qaçaqmalçılığı üzrə 2021-ci il martın 15-də 95 cinayət işi başlanılıb.
Keçirilən əməliyyatlar nəticəsində “AK-74”, “AKM”, “AK-SU” avtomatları, müxtəlif çaplı tüfənglər, pulemyotlar, tapançalar, kəsici bıçaqlar, süngülər, müxtəlif tipli tank əlyehinə qumbaralar, qumbaratanlar, trotil partlayıcısı, elektrik detanator, mərmi və güllələr aşkarlanaraq müsadirə edilib./Report
Femida.az
Oxunub: 339
