Astarada karantin qaydalarını pozan mikroavtobus sürücüsü cərimələnib
18:19 03 Aprel 2021
Koronavirus infeksiyasının qarşısının alınması məqsədilə ölkə ərazisində tətbiq olunmuş karantin rejimi çərçivəsində ölkə ərazisində şənbə və bazar günləri ictimai nəqliyyatın fəaliyyəti dayandırılıb.
DİN Mətbuat Xidmətinin Lənkəran regional qrupundan APA-nın cənub bürosuna verilən məlumata görə, Astara Rayon Polis Şöbəsinin dövlət yol polisi bölməsinin əməkdaşları tərəfindən bu istiqamətdə həyata keçirilən nəzarət-profilaktiki tədbirlər nəticəsində Sumqayıtdan Astaraya qanunsuz olaraq sərnişin daşıyan mikroavtobus sürücüsü saxlanılıb. Abşeron rayon sakini R.Həsənovun karantin rejimi qaydalarını pozaraq idarə etdiyi "Mercedes Sprinter" markalı mikroavtobusla qanunsuz sərnişindaşıma fəaliyyəti ilə məşğul olduğu müəyyən edilib. Onun idarə etdiyi nəqliyyat vasitəsi Astara RPŞ-nin dövlət yol polisi bölməsinin əməkdaşları tərəfindən saxlanılarkən orada 18 sərnişinin olduğu müəyyənləşib. Həmin sürücü barəsində İnzibati Xətalar Məcəlləsinin 211-ci (epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə protokol tərtib edilib.
Oxunub: 206
Oxşar xəbərlər
- Astarada torpaq sürüşməsi baş verib
- Astarada sərxoş avtoxuliqan saxlanılıb
- Astarada meşə zolağında yanğın olub
- Astarada dağlıq ərazidə yanğın söndürülüb
- Astarada daha bir koronavirus xəstəsi saxlanıldı
- Astarada karantin rejimini pozan çayxanada mərc oyununun təşkil olunduğu aşkarlanıb
- Astarada "Mercedes" aşdı, ölən və yaralananlar var
- Astarada COVID-19 xəstələri saxlanılıb
- Astarada 54 yaşlı kişi çayda batdı
- Astarada evə basqın olub, qadın öldürülüb
