Məşğulluq Agentliyi vətəndaşlara məhsuldar heyvanlar verməyib - HESABAT


13:59     05 Aprel 2021 21_04_05_1617617025.jpg


Özünüməşğulluq tədbirləri çərçivəsində Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyi tərəfindən vətəndaşlara verilmiş iribuynuzlu və xırdabuynuzlu heyvanların alış qiymətləri üzrə 2019-cu ilin göstəriciləri 2018-ci ilin müvafiq göstəricilərindən çox olub.

Femida.az xəbər verir ki, bu, “Azərbaycan Respublikası Hesablama Palatasının 2020-ci ildə fəaliyyəti haqqında” hesabatında öz əksini tapıb.

Qeyd olunub ki, 2018-ci ildə bağlanmış satınalma müqaviləsində heyvanların alınması üzrə nəzərdə tutulmuş şərtlərə tam əməl edilməyib, alınacaq heyvanların say tərkibi dəyişdirilsə də, alış qiymətləri saxlanılıb:

"Agentlik tərəfindən xırdabuynuzlu heyvanların satın alınması üçün təchizatçı ilə bağlanılmış müqavilələrdə, qiymət protokollarında və müvafiq biznes-planlarda nəzərdə tutulmuş şərtlərə tam əməl edilməyərək bəzi hallarda yüksək məhsuldarlıqlı heyvanlar satın alınmayıb, 2018-ci ildə vətəndaşlara bir çox hallarda ətlik danalar və toğluların verilməsi son nəticədə vətəndaşların özünüməşğulluğunun nəzərdə tutulduğu səviyyədə təmin olunmamasına şərait yaradıb, 2018-ci ildə alındığı rəsmiləşdirilib, lakin vətəndaşlara paylanılmamış 1400 baş toğlunun qalıq qismində qalması, yaxud əvəzləşdirilməsinə dair Agentliklə icraçı müəssisə arasında müvafiq rəsmiləşdirmə aparılmayıb".

Femida.az

Açar sözlər: #Məşğulluq   #hesabat  

Oxunub: 165