Zəngilanda növbəti ağacəkmə aksiyası keçirildi
15:37 07 Aprel 2021

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Ümumrespublika Yaşıllaşdırma Marafonu” (“Yaşıl Marafon”) çərçivəsində jurnalistlərin iştirakı ilə işğaldan azad olunan Zəngilan rayonunda növbəti ağacəkmə aksiyası keçirilib.
Femida.az xəbər verir ki, tədbir iştirakçıları əvvəlcə şəhərin girişində, meşə fondunda terras üsulu ilə salınmış meşə sahəsinə baxış keçiriblər.
Daha sonra erməni vandalları tərəfindən məhv edilmiş meşə sahəsinin bərpası məqsədilə ağacəkmə aksiyası baş tutub.
Aksiya çərçivəsində ərazinin torpaq-iqlim şəraitinə uyğun 500 ədəd müxtəlif cinsli ağac əkilib. Həmçinin palıd, şərq çinarı və tut ağacının toxumları əraziyə səpilib.
IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə keçirilən layihənin məqsədi yaşıllıq sahələrini artırmaq, ağac əkilməsini təşviq edərək ətraf mühitin mühafizəsinə, o cümlədən ölkəmizin flora biomüxtəlifliyinin artırılmasına, yaşıllıqların qorunması ilə bağlı maarifləndirməyə töhfə verməkdir.
Yaz və payız ağacəkmə mövsümlərində ölkə üzrə 1 milyona yaxın ağac əkilməsini hədəfləyən layihə tərəfdaşları hər kəsi bu faydalı təşəbbüsə dəstək olmağa və təbiətimizin yaşıl gələcəyi naminə birləşməyə çağırır.
Oxunub: 180
Oxşar xəbərlər
- Zəngilanda 1000-dən çox ağac əkilib
- Zəngilanda 400 mindən çox ağac əkiləcək
- Zəngilanda “ağıllı kənd” layihəsinə start verilir
- Zəngilanda 14 erməni hərbçisinin cəsədi tapıldı
- Zəngilanda DSX-nin sərhəd zastavasının açılışı olub
- Zəngilanda 275 kq plastik partlayıcı maddə zərərsizləşdirilib
- Zəngilanda körpünün altından partlayıcı qurğu tapıldı
- Zəngilanda növbəti ağacəkmə tədbiri keçirilib
- Zəngilanda yük maşını körpüdən aşıb, bir nəfər ölüb
- Zəngilanda Şərq çinarları əkilib