Bakıətrafı qəsəbədən Koroğluya yeni marşrut xətti fəaliyyətə başlayacaq
16:55 10 Aprel 2021
Bakı Nəqliyyat Agentliyi (BNA) Bakıətrafı qəsəbədən Koroğlu Nəqliyyat Mübadilə Mərkəzinə (NMM) yeni marşrut xətti təşkil edib.
Femida.az xəbər verir ki, bu barədə məlumatı BNA yayıb.
Bildirilir ki, Pirallahı, Zirə, Türkan və Qala qəsəbələri Koroğlu NMM-i istiqamətində sərnişindaşımalarının təşkilində dəyişiklik edilib. Dəyişikliyə əsasən Qala qəsəbəsində mübadilə məntəqəsi təşkil edilib. 101, 150 və 187 nömrəli müntəzəm marşrut xətləri üzrə avtobuslar müvafiq olaraq Türkan, Pirallahı və Zirə qəsəbələrindən sərnişinləri Qala mübadilə məntəqəsinədək gətirəcək.
Bu ərazidən isə Koroğlu Nəqliyyat Mübadilə Mərkəzinə (NMM) “Q1” adı altında yeni marşrut xətti təşkil edilir. “BakuBus” MMC-nin istismarında olacaq xətt üzrə avtobuslar Ramana yoluna daxil olmadan birbaşa hərəkət edəcək ki, bununla da sərnişinlərin səyahət müddəti əhəmiyyətli dərəcədə azalacaq və onlar təyinat məntəqəsinə daha tez çatacaqlar. Q1 xətti üzrə gediş haqqı 40 qəpik müəyyən edilib və ödəniş nağdsız formada olacaq. Dəyişikliklər aprelin 12-dən tətbiq ediləcək.
Oxunub: 1066
Oxşar xəbərlər
- Bakıətrafı kənd və qəsəbələrə yeni avtobuslar xəttə buraxılacaq
- Bakıətrafı qəsəbələrə yeni marşrut xətti istifadəyə verilir
- Bakıətrafı qəsəbələrə yeni kanalizasiya xətləri çəkiləcək
- Bakıətrafı qəsəbələrdə yaşayanlara ŞAD XƏBƏR - Elektrik qatarları işləyəcək
- Bakıətrafı qəsəbələrin adsız küçələri - VİDEO