Fransada məscid binası təhqir olunub
09:22 12 Aprel 2021
Fransanın Renn şəhərində İbn Sina Məscidinin divarlarında İslam dini əleyhinə sözlər yazılıb.
Bu barədə Femida.az “Anadolu”ya istinadən xəbər verir.
Bildirilir ki, hadisə ilə bağlı araşdırmalara başlanılıb.
Fransanın Daxili işlər naziri Cerald Darmanin İbn Sina məscidində İslam əleyhinə təxribatı pisləyib və ölkənin bütün müsəlmanları ilə həmrəyliyini ifadə edib.
“Renndə məscidin divarlarına İslam əleyhinə yazıların yazılması yolverilməz faktdır. Ölkənin bütün müsəlmanları ilə həmrəyəm", - Daxili işlər naziri özünün tvitterdəki səhifəsində yazıb.
Darmanin həmçinin bildirib ki, məscidə baş çəkməyi planlaşdırır.
Renn şəhərinin meri Natali Apper də həmçinin müsəlman ictimaiyyətinə dəstək verdiyini söyləyib. Onun sözlərinə görə, Fransada belə hadisələr yolverilməzdir.
Fransanın İslam Şurası (CFCM) və Fransanın Türk-Müsəlman Cəmiyyətlərinin Koordinasiya Komitəsi (CCMTF) də təxribatı qətiyyətlə pisləyib.
Qeyd edək ki, bu, son günlər Fransada məscidlərə qarşı növbəti təxribatdır. Aprelin 9-da Nant şəhərində naməlum şəxslər Arrahma məscidini yandırıblar. Hadisə zamanı məscidə maddi ziyan vurulub, giriş qapısı tamamilə yanıb. Məscidin ətrafında içində benzin olan kanistrlər tapılıb.
Oxunub: 781
Oxşar xəbərlər
- Fransada “meymun çiçəyi” xəstəliyinə ilk yoluxma qeydə alınıb
- Fransada Rusiya gəmiləri sanksiyalara görə saxlanılıb
- Fransada koronavirus pandemiyasının beşinci dalğası başlayıb
- Fransada erməni və gürcülərdən ibarət cinayətkar qruplaşmanın üzvləri saxlanılıb
- Fransada turist təyyarəsi qəzaya uğrayıb, ölənlər var
- Fransada təyyarə qəzası baş verib, ölənlər var
- Fransadan Ermənistandakı vətəndaşlarına xəbərdarlıq
- Fransada avtomobillər yandırılıb, mağazalar talan edilib, saxlanılanlar var
- Fransadakı aksiyalarda 60-dan çox polis yaralanıb
- Fransada 130 mindən çox insan etiraz aksiyalarına qatılıb