Deputat ağacəkmə kampaniyası təşkil etdi

17:19     12 Aprel 2021

"Azərbaycan Respublikasının birinci vitse-prezidenti hörmətli Mehriban xanım Əliyevanın təşəbbüsü ilə həyata keçirilən və bütün ölkəni əhatə edən ağacəkmə kampaniyasına töhfə vermək məqsədilə Göygöl rayonu ərazisində ağacəkmə aksiyası təşkil etdik. Mənim təşəbbüsümlə gerçəkləşən aksiyada 200 ədəd şam ağacının əkilməsinə nail olduq. Aksiyada Göygöl Rayon İcra Hakimiyyətinin əməkdaşları da iştirak etmişdir".

Femida.az xəbər verir ki, bunu Milli Məclisin deputatı Elşad Mirbəşiroğlu deyib. Onun sözlərinə görə ağacəkmə aksiyaların təməlində insanların sağlamlığının qorunması dayanıb:

"Hörmətli Mehriban xanımın rəhbərlik etdiyi Heydər Əliyev Fondu ölkəmizdə yaşıllıqların artırılmasına, mövcud yaşıllıq sahələrinin qorunmasına xüsusi diqqət yetirir. Təsadüfi deyil ki, mütəfəkkir şair İmadəddin Nəsiminin 650 illik yubileyi münasibətilə ölkənin bütün ərazisində bir gündə 650 mindən çox ağac əkilmişdir. Bu məsələdə Fondun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü və dəstəyi ilə həyata keçirilən "Yaşıl Marafon" layihəsinin də mühüm rolu vardır. Həm indiki, həm də gələcək nəsillərə xidmət edən bu nəcib aksiyaların təməlində isə yalnız bir amal dayanıb: insanların sağlamlığının qorunması".

Açar sözlər:

Oxunub: 501