Azərbaycandakı qoruqlarda “Açıq qapı” günü keçirilib
18:15 19 Aprel 2021
Dövlət Turizm Agentliyinin (DTA) tabeliyində fəaliyyət göstərən tarix-mədəniyyət qoruqları və muzeylərdə “Açıq qapı” günü təşkil olunub.
Bu barədə Femida.az-a DTA-dan məlumat verilib.
“Beynəlxalq Abidələr və Tarixi Yerlər Günü” münasibətilə keçirilən “Açıq qapı” günündə müxtəlif mövzularda sərgilər və məlumatlandırma sessiyaları keçirilib.
“Yanardağ” Dövlət Tarix-Mədəniyyət və Təbiət Qoruğunda təşkil edilən sərgidə milli musiqi alətləri, Bakının müasir və tarixi binalarının maketləri qonaqlara nümayiş etdirilib, milli geyimdə foto çəkdirmək üçün guşə yaradılıb.
“Atəşgah Məbədi” Dövlət Tarix-Memarlıq Qoruğunda təşkil edilən “Tarix və Mədəniyyət Nümunələri Xalqın Milli Sərvətidir” adlı sərgidə orta əsr Azərbaycan sənətkarlarının əl işləri, misgərlik məmulatları sərgilənib. Qoruq ərazisində Argentina Respublikasının mədəniyyət profilli “Kanal A” televiziyası da çəkiliş aparıb.
“Kiş” Tarix-Memarlıq Qoruğunun həyətində yerli sənətkarların əl işləri nümayiş etdirilib. Ziyarətçilərə Kiş Alban Məbədinin tarixi, qoruqda yerləşən digər tarixi mədəniyyət abidələrinin əhəmiyyəti və mühafizəsi ilə bağlı məlumat verilib.
“Yuxarı Baş” Dövlət Tarix-Memarlıq Qoruğunda gənc rəssamların abidələrlə bağlı əl işləri sərgilənib. Şəki Tarix Diyarşünaslıq muzeyində şəhərin qədimliyini əks etdirən tarixi abidələrin fotolarından ibarət sərgi təşkil olunub. Həmçinin Şəki Xalq Tətbiqi Sənəti Muzeyində xovlu sənət ustası Rəhman Kamiloğlunun əl işlərindən ibarət sərgi keçirilib. Yalnız Şəkidə mövcud olan bu sənət növü üzrə hazırlanan əsərlərdə əsasən təbiət mənzərələri, kənd həyatının motivləri əks olunub.
Şəki Dövlət Rəsm Qalereyasının bağında - açıq havada “Tarixi abidələr rəssamların gözü ilə” adlı sərgi təşkil olunub. Şəkili rəssamlar Aynur Məsimova, Nazim Səmədov və Qurban Oruclunun kətan üzərində yağlı boya və akvarel boya ilə kağız üzərində çəkdikləri əsərlər qonaqların marağına səbəb olub.
“Basqal” Dövlət Tarix-Mədəniyyət Qoruğu ərazisində arxeoloj qazıntıların aparıldığı XVI əsr abidəsi - Şeyx Məhəmməd Məscidində məktəblilər üçün tədbir təşkil edilib.
“Lahıc” Dövlət Tarix-Mədəniyyət qoruğunda yerləşən abidələrə ziyarətçilər üçün müəyyən marşrutlar üzrə turlar hazırlanıb. Qoruq ərazisində yerləşən sənətkar emalatxanalarında ödənişsiz olaraq master-klasslar təşkil edilib.
“Xınalıq” Dövlət Tarix Memarlıq və Etnoqrafiya Qoruğunda ziyarətçilərə ödənişsiz xidmət göstərilib, qonaqlar üçün ekskursiyalar təşkil olunub.
Oxunub: 958
Oxşar xəbərlər
- Azərbaycandakı dini konfessiya rəhbərləri müraciət yayıb
- Azərbaycandakı Pfizer vaksinlərinin son istifadə müddəti bu tarixdə bitəcək - RƏSMİ
- Azərbaycandakı türk hərbçilərin mandatı daha bir il uzadılıb
- Azərbaycandakı Türkiyə-Rusiya Monitorinq Mərkəzindəki türk hərbçilərin mandatı daha 1 il uzadılacaq
- Azərbaycandakı dini konfessiya rəhbərləri Cıdır düzündə olub
- Azərbaycandakı diplomatik korpusun nümayəndələrinin Füzuli və Şuşaya səfəri başlayıb
- Azərbaycandakı siyasi partiyalar Baydenin mövqeyi ilə bağlı bəyanat yaydı
- Azərbaycandakı əcnəbilərin NƏZƏRİNƏ!!!
- Azərbaycandakı xarici diplomatların Füzuliyə səfəri təşkil olunub
- Azərbaycandakı ağır koronavirus xəstələri ilə bağlı QƏRAR