Son 10 ildə Azərbaycanda 992 xəstəyə orqan köçürülüb
13:07 20 Aprel 2021
“Təəssüf ki, bu gün yalnız canlı donordan yalnız qaraciyər və böyrək transplantasiyası edirik. Ümid edirəm ki, bu problem yaxın gələcək üçün öz həllini tapmış olacaq”.
Femida.az xəbər verir ki, bunu Mərkəzi Gömrük Hospitalının Cərrahiyə və Orqan transplantasiyası şöbəsinin rəisi Mircəlal Kazımi deyib.
O qeyd edib ki, 10 il müddətində ümumilikdə 992 xəstəyə orqan köçürülüb:
“Onlardan 230-na qaraciyər (135-i kişi, 95-i qadın), 762-nə isə böyrək (468-i kişi, 294-ü qadın) köçürülüb".
M.Kazımi vurğulayıb ki, icra olunan qaraciyər köçürməsi zamanı donorların 138-i kişi, 93-ü isə qadın olub:
“Böyrək transplantasiyası zamanı donor olanlardan isə 285-i kişi, 477-i isə qadındır. Qaraciyər köçürməsi zamanı 230 xəstənin 1 illik yaşam göstəricisi 94 % təşkil edib. Toplamda isə 40 ölüm faktı olub. Aldığım məlumata görə, ölən xəstənin biri 11-ci ilində Zəngilanın işğaldan azad edilməsi xəbərini eşidəndə sevincdən dünyasını dəyişmişdi. Böyrək köçürməsi sonrasında 762 xəstədə 1 illik yaşam göstəricisi 99,2 % təşkil edib. Onlardan 1-ci ildə 7, 3-cü ildə 10, 5-ci ildə isə 17 xəstə hemodializə qayıdıb. Bundan başqa, arter trombozu 3 xəstədə reanastomoz, sidik darlığı 17 xəstədə nativ ureter reanastomoz, sidik yolu qaçağı 42 xəstədə nefrestoma ilə barpa, lemfosel 36 xəstədə drenaj və gözləmək halı olub. 605 xəstənin böyrək köçürülməsi əməliyyatı laproskopik, 157-sində isə açıq şəkildə aparılıb”.
O, həmçinin əlavə edib ki, qaraciyərlə bağlı problem əsasən Hepatit B və C xəstələrində qeydə alınır:
“Bunun da əsas səbəbi həmin xəstəliyə qarşı peyvəndin vurulmamasıdır”.
Femida.az
Oxunub: 389
Oxşar xəbərlər
- Son sutkada Azərbaycanda 49 nəfər koronavirusa yoluxub
- Son sutkada daha 19 nəfər koronavirusa yoluxub
- Son 10 gündə Rusiya və Ukrayna arasında 210 hərbçi meyitlərinin mübadiləsi aparılıb
- Son 18 ildə Azərbaycanda əfv edilən şəxslərin sayı açıqlanıb
- Son iki gündə 3 yol qəzası baş verib, iki nəfər ölüb
- Son iki gündə yol qəzalarında 6 nəfər ölüb
- Son 2 ayda Azərbaycanda yol qəzalarında 126 nəfər ölüb
- Son 1 ayda Bakıda cinayət törədən 75 nəfər saxlanılıb
- Son 20 gündə Azərbaycanda narkotikə görə 38 nəfər həbs edilib
- Son 2 ildə Azərbaycanda psixi pozuntusu olan şəxslər 14 qətl hadisəsi törədib - RƏSMİ