Şəhid anası 28 il sonra oğlunun məzarını ziyarət etdi
17:25 24 Aprel 2021
Daxili İşlər Nazirliyinin (DİN) “Instagram” sosial şəbəkəsindəki rəsmi səhifəsinə Cəbrayıl rayon sakini şəhid anası Güldəstə Ağayevanın adından müraciət daxil olub.
DİN-in mətbuat xidmətindən Femida.az-a bildiriblər ki, müraciətdə şəhid anası oğlu Ramiz Ağayevin 1993-cü il avqustun 15-də Cəbrayıl rayonunun müdafiəsi uğrunda gedən döyüşlərdə şəhid olduğunu və orada dəfn edildiyini qeyd edib. G.Ağayeva Cəbrayıl rayonu işğal olunandan sonra 28 ildir ki, doğma torpağını yenidən görmək və oğlunun məzarını ziyarət etmək həsrəti ilə yaşadığını bildirib. Güldəstə ana müraciətinin sonunda nazirliyin rəhbərliyinin onun 84 yaşının olmasını nəzərə alaraq, Cəbrayıl rayonuna getməsinə icazə verilməsini xahiş edib.
Müraciət dərhal nazirlik rəhbərliyinin nəzarətinə götürülüb. Əvvəlcə şəhid Ramiz Ağayevin Cəbrayıl rayonundakı məzarının tapılması təmin edilib. Şəhid məzarının və yerləşdiyi ərazinin minalardan təmizlənməsi üçün lazımi tədbirlər görülüb.
Müvafiq təhlükəsizlik tədbirləri gözlənilməklə aprelin 23-də DİN-in təşkilatçılığı ilə Güldəstə ananın və onun ailə üzvlərinin Cəbrayıl rayonuna səfəri təşkil olunub.
Femida.az
Oxunub: 3979
Oxşar xəbərlər
- Şəhid və qazi övladlarına psixoloji dəstəklə bağlı tədbir keçirilib
- Şəhid və şəhid ailəsi üzvləri kimlərdir? - Hüquqi yardım
- Şəhid anaları Ordumuz üçün dua etdi – VİDEO
- Şəhid Pəncəli Teymurovun atası vəfat etdi
- Şəhidin 5 yaşlı övladı faciəvi şəkildə vəfat etdi
- Şəhidlərin xatirəsinin əbədiləşdirilməsi üzrə komissiyanın tərkibində dəyişiklik edilib
- Şəhid qızı məktəb direktoru təyin olunub
- Şəhid hərbi qulluqçumuzla vida mərasimi keçirilir
- Şəhidlərin xatirəsinə həsr olunmuş anım mərasimləri- FOTOLAR+VİDEO
- Şəhid ailələri və müharibə əlillərinə daha 50 mənzil verilib