Serbiya Prezidentinin mesajları İlham Əliyevə çatdırılıb
14:05 03 May 2021
"Cənab Prezident. Zati-Aliləri, möhtərəm Prezident, ilk növbədə, icazə verin Azərbaycan Respublikasında olmaqdan və burada xidmət etmək imkanına sahib olmaqdan böyük şərəf duyduğumu bir daha təkrarlayım. Mənim təyinatım Serbiya Respublikasının Prezidenti cənab Aleksandr Vuçiçin şəxsi istəyi olub. Buraya gəlişimdən əvvəl bizim təkbətək görüşümüzdə Prezident Vuçiç məndən aşağıdakı mesajları Sizə çatdırmağımı xahiş etdi".
Femida.az xəbər verir ki, bunu Serbiya Respublikasının ölkəmizdə yeni təyin olunmuş fövqəladə və səlahiyyətli səfiri Draqan Vladisavljeviç mayın 3-də Prezident İlham Əliyev tərəfindən etimadnaməsi qəbul edilərkən deyib.
"İlk növbədə, Prezident Vuçiç Sizə ən səmimi salamlarını çatdırır və Sizə möhkəm can sağlığı, xoşbəxtlik, xalqınız və ölkəniz üçün gördüyünüz hər bir işdə uğurlar arzulayır. Prezident Vuçiç şəxsən Sizinlə dostluğu və dövlətlərimiz arasındakı dostluğu yüksək qiymətləndirir. O, Serbiya Respublikasının dost Azərbaycan Respublikasının suverenliyini və ərazi bütövlüyünü tam şəkildə dəstəklədiyini xüsusi vurğuladı, ölkələrimiz arasındakı mövcud strateji tərəfdaşlığı yüksək qiymətləndirdiyini və onu qoruyub saxlamaq, daha da gücləndirmək arzusunda olduğunu bildirdi. Prezident məndən dövlətlərimiz arasında əməkdaşlığın yüksək səviyyədə, həmçinin yüksək siyasi səviyyədə daha da təşviq etdirilməsində yaxından iştirak etməyimi xahiş etdi" - səfir bildirib.
Oxunub: 496
Oxşar xəbərlər
- Serbiya lideri Azərbaycan Prezidentini təbrik edib
- Serbiya səfirliyi Azərbaycana başsağlığı verib
- Serbiyada fabrikdə partlayış baş verib, ölənlər və xəsarət alanlar var
- Serbiya prezidenti Putinlə qazın qiymətini müzakirə etməyi planlaşdırır
- Serbiya Qarabağın bərpasında iştirak etmək istəyir
- Serbiya Prezidenti İlham Əliyevi təbrik edib
- Serbiya Azərbaycanın ərazi bütövlüyünü dəstəkləyib
- Serbiyanın daxili işlər naziri Azərbaycana gəldi
- Serbiya Baş Nazirinin müavini, Daxili İşlər naziri Neboyşa Stefanoviç Azərbaycana gəlir
- Serbiya prezidenti Azərbaycana heyət göndərir - Ermənistana satılan silahlarla bağlı