Ermənistanla sərhəddə daha bir hərbi hissə fəaliyyətə başladı
18:45 24 May 2021
Azərbaycan Respublikasının Prezidenti Silahlı Qüvvələrin Müzəffər Ali Baş Komandanı İlham Əliyevin tapşırığına əsasən Ermənistanla dövlət sərhədində zəruri sərhəd müdafiə və mühafizə infrastrukturunun yaradılması, hərbi qulluqçuların maddi-texniki təminatı, sosial şəraitinin yaxşılaşdırılması üzrə tədbirlər davam etdirilir.
Dövlət Sərhəd Xidmətinin (DSX) Mətbuat Mərkəzindən Femida.az-a bildirilib ki, may ayının 24-də Zəngilan rayonu ərazisində Ermənistanla dövlət sərhədində yeni hərbi hissə - sərhəd komendantlığı xidməti-döyüş fəaliyyətinə başlayıb.
Bununla əlaqədar təşkil olunan mərasimdə DSX rəisinin müavini general-leytenant İlham Mehdiyev çıxış edərək Xidmət rəisi general-polkovnik Elçin Quliyevin təbrikini şəxsi heyətə çatdırıb.
Çıxışda işğaldan azad edilmiş dövlət sərhədlərinin müdafiəsi və mühafizəsi məsələlərinə ali dövləti qayğı sayəsində qısa müddət ərzində bu ərazilərdə zəruri infrastrukturun yaradılması üzrə işlərin sürətlə davam etdirildiyi, hazırkı hərbi hissənin də xidməti-döyüş fəaliyyətinə başlamasının dövlət sərhədlərinin mühafizəsi üçün böyük əhəmiyyət kəsb etməsi bildirilib.
Tədbir iştirakçıları yeni hərbi hissənin açılışını bildirən rəmzi lent kəsildikdən sonra sərhəd komendantlığının şəxsi heyətinin xidməti-döyüş fəaliyyətinin təşkili üçün yaradılmış şəraitlə tanış olub, o cümlədən xidməti otaqlara, kazarma və yeməkxanaya, hamam-camaşırxana, anbar, silah və texniki vasitələrə, avtomobil texnikasına baxış keçiriblər.
Tədbirin sonunda xidməti fəaliyyətində fərqlənmiş hərbi qulluqçular təltif olunublar.
Femida.az
Oxunub: 763
Oxşar xəbərlər
- Ermənistanla Azərbaycan arasında sərhədin demarkasiyası mexanizmləri ilin sonuna kimi yaradılacaq
- Ermənistanla sərhəddə vəziyyət sabitləşib - Rəsmi
- Ermənistanla sərhəddə daha bir hərbi hissə fəaliyyətə başlayıb
- Ermənistanla sərhəddə daha bir hərbi hissə fəaliyyətə başlayıb
- Ermənistanla sərhəddə yeni hərbi hissə fəaliyyətə başlayıb
- Ermənistanla sərhəddə yeni hərbi hissə fəaliyyətə başladı
- Ermənistanla sərhəddə döyüş mövqeləri irəli çəkilib - RƏSMİ
- Ermənistanla sərhəddə atşıma - ölən və yaralanan var
- Ermənistanla Rusiya arasında tender gərginliyinin təfərrüatı - Niyə cinayət işi açılıb?
- Ermənistanla sərhəddə Türkiyə vətəndaşı saxlanıldı