Media işçilərinin minaya düşərək həlak olması ilə bağlı cinayət işi açılıb - VİDEO
13:44 04 İyun 2021
Baş Prokurorluq media işçilərinin minaya düşərək həlak olması ilə bağlı rəsmi açıqlama yayıb.
Femida.az-a daxil olan açıqlamada deyilir:
Ermənistanın silahlı qüvvələri beynəlxalq humanitar hüququn əsas norma və prinsiplərini, o cümlədən 1949-cu il tarixli Cenevrə Konvensiyalarının tələblərini kobud şəkildə pozmaqla ərazilərimizi minalayaraq vətəndaşlarımıza qarşı cinayət əməllərini davam etdirir.
4 iyun 2021-ci il tarixdə saat 11 radələrində xidməti vəzifələrinin icrası ilə əlaqədar işğaldan azad edilmiş Kəlbəcər rayonuna ezam olunmuş televiziya kanallarının və xəbər agentliklərinin əməkdaşlarının olduğu “Kamaz” markalı sərnişin avtomobilinin rayonun Susuzluq kəndi istiqamətində hərəkətdə olarkən tank əleyhinə minaya düşməsi nəticəsində 3 nəfər – Sirac Abışov (Az TV telekanalının operatoru), Məhərrəm İbrahimov (Azərtac xəbər agentliyinin əməkdaşı), Arif Əliyev (RİH başçısının Susuzluq kənd inzibati ərazi dairəsi üzrə nümayəndəsinin müavini) həlak olub, digər 4 nəfər isə müxtəlif dərəcəli bədən xəsarətləri almaqla xəstəxanaya yerləşdirilib.
Dərhal prokurorluq və polis əməkdaşları tərəfindən hadisə yerinə baxış keçirilib, məhkəmə-tibb ekspertizası təyin edilmiş, digər prosessual hərəkətlər yerinə yetirilib.
Faktla bağlı Azərbaycan Respublikasının Hərbi Prokurorluğunda Cinayət Məcəlləsinin 100.2 (təcavüzkar müharibəni planlaşdırma, hazırlama, başlama və ya aparma), 116.0.6 (silahlı münaqişə zamanı beynəlxalq humanitar hüquq normalarını pozma) və digər maddələri ilə cinayət işi başlanılıb.
Hazırda intensiv istintaq-əməliyyat hərəkətləri həyata keçirilir.
Oxunub: 1114
Oxşar xəbərlər
- MEDİA vəzifəsindən asılı olmayaraq hər kəsi jurnalistlərlə münasibətdə məsuliyyətli olmağa çağırıb
- Medianın İnkişafı Agentliyi və MTRŞ səslənən iddialara aydınlıq gətirib
- Mediada yer alan reklamlara vergi güzəştlərinin tətbiqi təklif olunur
- MEDİA “Sərhədsiz Reportyorlar” təşkilatına etiraz məktubu göndərib
- MEDİA jurnalistlərə çağırış edib
- Mediasiya prosesinin həyata keçirilməsi qaydasında dəyişiklik edilib
- MEDİA-nın Müşahidə Şurası üzvlərinin sayı azaldılıb
- MEDİA Agentliyi jurnalistlərə vəsiqə verəcək
- MEDİA müsabiqə ilə bağlı açıqlama yaydı
- MEDİA-dan qəzet və saytlara ayrılan yardımla bağlı AÇIQLAMA