Tovuzda ağır yol qəzası olub, xəsarət alanlar var


20:44     06 İyun 2021 qeza_yeni.jpg

Tovuz rayonunda 3 nəfərin xəsarət alması ilə nəticələnən yol-nəqliyyat hadisəsi baş verib.

Rayonun Həzi Aslanov küçəsində hərəkətdə olan "Range Rover" markalı avtomobil qarşıdan gələn "VAZ-2106" markalı avtomobillə toqquşub, sonra yoldan çıxaraq, yaşayış evinin hasarına çırpılıb və zərbənin gücündən aşıb.

Qəza zamanı "VAZ-2106" markalı avtomobilin sürücüsü, Tovuz rayon Əlibəyli kənd sakini, 1989-ci il təvəllüdlü İsmayılov Orxan Mehdi oğlu və avtomobildə olan sərnişin, 1978-ci il təvəllüd Şəmkir rayon sakini Əliyeva Elnarə Qasım qızı, həmçinin "Range Rover" markalı avtomobilin sürücüsü, 2000-ci il təvəlüdlü Tovuz rayon sakini Cavid İsgəndər oglu Mehraliyev müxtəlif bədən xəsarətləri alıblar.

E.Əliyevanın vəziyyəti ağır oldugundan o, Gəncə şəhərindəki xəstəxanalardan birinə göndərilib. Digər yaralılar Tovuz Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.

Açar sözlər:

Oxunub: 211