Vəkillər Kollegiyası şəhid jurnalistlərlə bağlı 230 beynəlxalq təşkilata müraciət edib
10:23 07 İyun 2021
Vəkillər Kollegiyası beynəlxalq hüquq-müdafiə təşkilatları, xarici ölkələrin vəkillər kollegiyaları və hüquq cəmiyyətləri daxil olmaqla, ümumilikdə 230 beynəlxalq təşkilata 3 dildə rəsmi müraciət ünvanlayıb.
Məlum olduğu kimi, sentyabrın 27-də Ermənistan Respublikasının silahlı qüvvələri tərəfindən Azərbaycan Respublikasının mülki əhalisinə qarşı törədilən təxribatlara cavab olaraq başlamış Vətən Müharibəsi 10.11.2020-ci il tarixində 3 tərəfli bəyanatın imzalanması və Azərbaycan Ordusunun parlaq qələbəsi ilə sona çatıb.
Həmin Bəyanat imzalanandan sonra, dəfələrlə etdilən müraciətlərə, beynəlxalq ictimaiyyətin çağırışlarına baxmayaraq, Ermənistan tərəfi qeyri-insani davranmaqla və beynəlxalq normaları kobud şəkildə pozmaqla işğaldan azad edilmiş ərazilərimizdə uzun illər ərzində bastırdığı minaların xəritələrini qəsdən verməkdən yayınır. O cümlədən, bölgədəki sülh, təhlükəsizlik və əmin-amanlığın bərqərar olmasına mane olmağa davam edərək regional vəziyyəti gərginləşdirir. İyun ayının 4-də Kəlbəcər rayonu ərazisində Ermənistan tərəfindən basdırılmış minaların partlaması nəticəsində 2 jurnalist olmaqla 3 Azərbaycan vətəndaşı həlak olub, 4 nəfər isə ağır yaralanıb.
Bununla bağlı, Azərbaycan Respublikasının Vəkillər Kollegiyası olaraq, beynəlxalq hüquq-müdafiə təşkilatları, xarici ölkələrin vəkillər kollegiyaları və hüquq cəmiyyətləri daxil olmaqla, ümumilikdə 230 beynəlxalq təşkilata 3 dildə rəsmi müraciət ünvanlayıb.
Bu müraciətlə həmin təşkilatları baş verən insan hüquqları pozuntusuna etinasız qalmamağa, səlahiyyətlərindən irəli gələn vəzifələrə məsuliyyətlə yanaşmağa, o cümlədən Ermənistan siyasi-hərbi rəhbərliyini cinayət əməllərindən çəkindirməyə, Ermənistanın minalanmış ərazilərin xəritələrini Azərbaycana verməklə bağlı öhdəliklərinə və beynəlxalq humanitar hüququn normalarına əməl etmələri üçün tədbirlər görmələrinə çağırırıq!
Femida.az
Oxunub: 3892
Oxşar xəbərlər
- Azərbaycanda qadın vəkillərin sayı açıqlanıb
- Vəkillər Kollegiyasının sədri vəkilliklə bağlı qanuna dəyişikliyin olunmasını təklif edir
- Vəkillər "İdeal”ın həbsdə olan keçmiş rəhbərinə bəraət istəyiblər
- "Yeni Klinika”nın sabiq direktorunun məhkəməsində vəkillər çıxış edib
- “İdeal”ın keçmiş sahibinin vəkilləri məhkəməyə etiraz edib
- Vəkillər Kollegiyasının sədr müavininə ağır itki üz verib
- Vəkillər HELP Tədris Proqramı üzrə təlim kursunu başa vurdu
- Milli Məclis əsassız vəsatət və şikayət verən vəkillərin cərimələməsi barədə sənədi qəbul edib
- Ombudsman Vəkillər Kollegiyasının sədri ilə görüşüb
- Vəkillərin cərimələnməsini nəzərdə tutan qanun layihəsi müzakirə edilib
