Paşinyan Sergey Lavrovu gah prezident, gah baş nazir adlandırdı, xanımı güldü


09:48     13 İyun 2021 21_06_13_1623563354.jpg

Ermənistanın baş naziri vəzifəsini müvəqqəti icra edən Nikol Paşinyan Rusiyanın xarici işlər naziri Sergey Lavrovu əvvəlcə prezident, sonra isə baş nazir adlandırıb.

Femida.az xəbər verir ki, hadisə Qexarkunikdə seçkiqabağı mitinqdə çıxış zamanı olub. Paşinyan 15 erməni hərbçinin Azərbaycandan buraxılması və mina xəritəsinin verilməsindən danışıb.

"Nə vaxt ki, prezident... Rusiyanın baş naziri Sergey Lavrov Yerevana gəldi və bir gün əvvəl ATƏT-in Minsk qrupunun həmsədrləri minalı ərazilər haqqında informasiya ilə bağlı çağırışla çıxış etdi.", - Paşinyan deyib.

Bu zaman onun arxasında dayanan xanımı Anna Akobyan və Ermənistanın ərazi idarəetmə və infrastruktur naziri Suren Papikyan Paşinyana gülüblər.

Paşinyan hərbçilərin qaytarılmasına görə ABŞ-a, Gürcüstan rəhbərliyinə və Avropa üzrə müttəfiqlərə təşəkkür edib.

Açar sözlər:

Oxunub: 849