Gürcüstanın Azərbaycana 5 milyon dollar borcu var


14:40     15 İyun 2021 21_06_15_1623754384.jpg

Bu ilin iyunun 1-nə Gürcüstanın Azərbaycana dövlət borcu 5,054 milyon ABŞ dolları təşkil edib.

Bu barədə Gürcüstan Maliyyə Nazirliyinin hesabatında bildirilib.

Sənədə əsasən, aylıq müqayisədə qonşu ölkənin Azərbaycana borcu dəyişməyib.

Gürcüstanın ümumi xarici dövlət borcu təxminən 8,1 milyard ABŞ dollarına bərabərdir ki, bunun da 7,5 milyard dolları hökumətin payına düşür.

Qonşu ölkənin Türkiyə, Rusiya və Ermənistana olan borcu da mayda dəyişməyərək müvafiq olaraq 9,766 milyon ABŞ dolları, 37,468 milyon ABŞ dolları və 5, 100 milyon ABŞ dollarına bərabər olub. (Report)

Femida.az

Açar sözlər:

Oxunub: 412