44 günlük müharibədə dostlaşdı, qayıdıb gördü ki, Şuşada polis rəisidir... (FOTO)
13:33 17 İyun 2021
Türkiyənin TV100 kanalının reportyoru, ötən ilin payızında 44 günlük Qarabağ müharibəsi zamanı Azərbaycandan operativ reportajlar yayan Burak Ersemiz həmin günlərdə Goranboyda dostlaşdığı polis zabiti ilə prezident Rəcəb Tayyib Ərdoğanı Şuşaya səfərdə müşaiyət edərkən yenidən görüşüb. Məlum olub ki, reportyorun dostlaşdığı polis zabiti indi Şuşanın polis rəisidir.
Burak Ersemiz Ermənistan ordusunun cəbhəyanı yaşayış məntəqələrini, habelə Gəncəni bombalaması haqda xəbərləri, hadisə yerindən operativ kadrları dünyaya ilk çatdıran jurnalistlərdən olub. Virtualaz.org xəbər verir ki, TV100 kanalının başda Burak Ersemiz olmaqla çəkiliş qrupu o cümlədən düşməndən azad edilən ərazilərə də ilk dəfə daxil olan KİV mənsubları idi və onlar Talış kəndindən, Cəbrayıldan və digər ərazilərdən reportajlar verirdilər.
Burak Ersemiz özünün sosial media hesabında yazıb ki, həmin müharibə günlərində Goranboyun Tap-Qaraqoyunlu kəndində əslən Şuşadan olan polis zabiti Samədlə (Saməd Məhərrəmov) dostlaşıb. "44 günlük savaşda tanıdıq Saməti. İnanılmaz dərəcədə ürəkli idi. Tap Qaraqoyunluda logistika və təhlükəsizlik işlərinə cavabdehlik daşıyırdı. Qardaş kimi olduq. Şuşalıydı. İşğaldan sonra ailəsi ilə birlikdə torpaqlarını tərk etmək məcburiyyətində qalmışdı. Qarabağ azad olunanda birlikdə sevindik. Müharibədən sonra Şuşada xidmət etdiyini eşitmişdim. Bülent Kordemirci ilə Şuşaya çatar-çatmaz ilk qarşılaşdığım polisə onun fotosunu göstərdim. Baxdı və telefonla ona zəng vurdu. Dedi burada mətbuat işçiləri var, əllərində də sənin şəklin. Saməd həmin polisə "dərhal yanıma gətirin” deyib. Mindik polis maşınına, getdik polis mərkəzinə. Qapıda qarşıladı...qucaqlaşdıq. 14 yaşında ayrıldığı Şuşaya qovuşmuşdu. Gözləri doldu. İndi o, Şuşanın polis rəisidir. Bütün Şuşa ona əmanətdir. Samət qardaşımız da Allaha əmanət”,-türkiyəli telereportyor yazıb.
Bülent Ersemizin bu qeydlərini bir sıra Türkiyə nəşrləri geniş xəbərə çeviriblər və dərc ediblər.//virtualaz.org
Oxunub: 1057
Oxşar xəbərlər
- 44 nəfərə qarşı dələduzluq edən şəxsin istintaqı başa çatıb
- 4451 yeni yoluxma - 4283 nəfər sağaldı
- 44 günlük müharibə - Şərtlər bizi qane edirmi?
- 444 məktəbdə həftəlik dərs cədvəli dəyişdi - RƏSMİ
- 44 min hərəkət iştirakçısı inzibati məsuliyyətə cəlb edilib
- 447 nəfərin namizədliyinin irəli sürülməsi təsdiqlənib
- 44 yaşlı yeni PA rəhbərinin - DOSYESİ
- 44 min il əvvələ aid mağara aslanının cəsədi tapıldı
- 44 yaşlı kişini avtomobil vurub
- 44 minlik oğurluq edən Abbasovlar saxlanıldı