Magistraturaya qəbul olanların qeydiyyatı başlayır
12:12 12 İyul 2021
Dövlət İmtahan Mərkəzi (DİM) ali təhsil müəssisələrinin və AMEA-nın magistraturalarına qəbul olmuş bakalavrlara müraciət edib.
Mərkəzin mətbuat xidmətindən Femida.az-a verilən xəbərə görə, ali təhsilin magistratura səviyyəsinə qəbul olmuş şəxslər iyulun 13-dən 22‑dək elektron qaydada portal.edu.az platformasında qeydiyyatdan keçə bilərlər.
“Ali təhsilin magistratura səviyyəsinə qəbul olmuş şəxslər elektron qaydada ali təhsil müəssisələrinə qeydiyyatdan keçməlidirlər. Bunun üçün https://portal.edu.az/ platformasında qeydiyyatdan keçmək, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır. Qeydiyyat 2021-ci il iyulun 13-dən 22‑dək davam edəcək.
2021/2022-ci tədris ili üçün Azərbaycan Milli Elmlər Akademiyasının magistraturasına qəbul olmuş bakalavrlar isə AMEA-da qeydiyyatdan keçməlidirlər. Qeydiyyat üçün aşağıdakı sənədlər tələb olunur:
- Bakalavrın təhsilini başa vurduğunu təsdiqləyən sənəd (diplom və ya arayış);
- Şəxsiyyəti təsdiq edən sənədin surəti – 2 nüsxə;
- Hərbi bilet və ya çağırış məntəqəsinə təhkim edilmə haqqında sənədin surəti – 2 nüsxə;
- 3x4 sm ölçüdə rəngli fotoşəkil – 4 ədəd;
- Ödənişli əsaslarla qəbul olunanlar üçün təhsil haqqının ödənilməsi haqqında qəbzin surəti – 2 nüsxə;
- Təhsil haqqından azad olmaq hüququna malik olanların müvafiq sənədlərinin (vəsiqələrinin) notarial təsdiqi.
Magistraturaya qəbul olmuş bakalavrların qeydiyyatı 2021-ci il iyul ayının 13-dən 22-dək (şənbə, bazar və bayram günləri istisna olmaqla) saat 10:00-dan 17:00-dək AMEA Rəyasət Heyəti aparatı Təhsil şöbəsinin Magistratura sektorunda aparılacaq.
Qeydiyyatdan keçməyən bakalavrlar qəbul olunanların siyahısından xaric ediləcəklər”, - deyə məlumatda qeyd olunub.
Oxunub: 792
Oxşar xəbərlər
- Magistraturaya boş qalan yerlərə qəbul elan edilib
- Magistraturaya növbəti qəbul imtahanı keçiriləcək
- Magistraturaya qəbul imtahanının ikinci cəhdində iştirak etmək üçün qeydiyyat elan edilib
- Bu gün magistraturaya qəbul imtahanı keçiriləcək
- DİM 17 mindən artıq bakalavr üçün magistraturaya qəbul imtahanı keçirəcək
- Magistraturaya sənəd qəbulu başa çatıb
- Bu gündən magistraturaya sənəd qəbulu başlayır
- Magistraturaya qəbul qaydaları 2024-cü ildən dəyişdiriləcək
- Bu gün magistraturaya qeydiyyat başa çatır
- Magistraturaya qəbul olan bakalavrların qeydiyyat müddəti uzadılıb