Yol polisi reyd keçirib
15:55 18 İyul 2021
Baş Dövlət Yol Polisi İdarəsinin (BDYPİ) YPX alayının əməkdaşları tərəfindən yollarda təhlükəsizliyin təmin edilməsi məqsədilə tədbir keçirilib.
BDYPİ-dən Femida.az-a verilən məlumata görə, yol-patrul xidməti əməkdaşları bayram ərəfəsində respublikanın avtomobil yollarında profilaktiki işləri davam etdirir. Bu məqsədlə BDYPİ-nin Yol Partul Xidməti (YPX) alayının Bakı-Qazax yolu üzərində yerləşən stasionar postunda 7-ci tağımının əməkdaşları magistral yollarda sərnişindaşımanın, yükdaşımanın, minik avtomobillərin təhlükəsiz hərəkətinin təmin edilməsi istiqamətində reydlər keçirib. Tədbirin məqsədi bayram günlərində paytaxtdan regionlara avtomobil axınının intensivləşməsi yollarda sıxlığın yaranmasına səbəb olduğundan yollarda manevr qaydalarını düzgün yerinə yetirməyən, sürət həddini aşan, sərxoş halda avtomobilləri idarə edən sürücüləri müəyyən etmək, yorğun və yuxusuz vəziyyətdə avtomobilləri idarə edən sürücülərə xəbərdarlıq etmək, onlarla profilaktik söhbətlər aparmaqdır. Ümumiyyətlə yorğun və yuxusuz olan sürücülərə stasionar postlarda müvəqqəti istirahət etmələri təklif olunur.
Eyni zamanda, təhlükəsizlik kəmərlərindən istifadə etməyən, yollarda ötmə əməliyyatını düzgün yerinə yetirməyən, həmçinin avtomobili sərxoş halda idarə edən sürücülər barəsində müvafiq tədbirlər həyata keçirilib.
Femida.az
Oxunub: 17205
Oxşar xəbərlər
- Yol polisi sürücülərə çağırış edib
- Yol qəzalarında daha 3 nəfər ölüb
- Yollar nə vaxt açılacaq?
- Yol polisi sürücülərə müraciət edib
- Yol qəzalarında daha 4 nəfər ölüb
- Yol polisi dumanlı hava şəraiti ilə bağlı sürücülərə müraciət edib
- Yol polisi Samuxda reyd keçirib
- Yollar buz bağlayacaq, dumana görə görünüş məsafəsi məhdudlaşacaq
- Yollar buz bağlayacaq, güclü külək əsəcək - PROQNOZ
- Yol polisi hava ilə bağlı sürücülərə müraciət etdi