Narkotik satan ana-bala saxlanıldı - Video
15:10 03 Avqust 2021
Sabunçu rayonu Ramana qəsəbəsində narkotik vasitələrin və psixotrop maddə olan metamfetamin, yəni “patı”nın satışı ilə məşğul olan 2 nəfər tutulub.
Daxili İşlər Nazirliyindən Femida.az-a verilən məlumata görə, əməliyyat zamanı, əvvəlcə paytaxt sakini olan Dövlətəli Xudaverdiyev saxlanılıb. Onun üzərindən 86 qram heroin və 27 qram metamfetamin aşkar edilib. Saxlanılan şəxs ifadəsində anası ilə birgə Ramana qəsəbəsində narkotik vasitələrin satışı ilə məşğul olduğunu bildirib.
Əməliyyat tədbirlərinin davamı olaraq şöbə əməkdaşları tərəfindən Dövlətəli Xudaverdiyevlə birlikdə narkotik vasitələrin satışı ilə məşğul olan anası paytaxt sakini Mahirə Cavadova da tutularaq istintaqa təqdim edilib. Polis Şöbəsində üzərinə baxış zamanı ondan 605 qram heroin, 3 qram metamfetamin və 1 ədəd elektron tərəzi aşkar edilib.
Mahirə Cavadova aşkar edilən narkotik vasitələri şəxsiyyəti istintaqa məlum olmayan xarici ölkə vətəndaşından aldığını və hazır bükümlər şəklində qablaşdıraraq satışını həyata keçirdiyini bildirib.
Faktla bağlı 12-ci Polis Şöbəsində toplanan materiallar Sabunçu Rayon Polis İdarəsinə göndərilib. Adları sadalanan şəxslər tutularaq istintaqa cəlb olunublar.
Əməliyyat-istintaq tədbirləri davam etdirilir.
Femida.az
Oxunub: 548
Oxşar xəbərlər
- Hacıqabul sakinlərindən “patı” və heroin aşkarlanıb
- Bakıda onlayn yolla "patı" satan şəxsin ibtidai istintaqı yekunlaşıb
- İşlətdiyi mağazada "patı" satırdı
- Siyəzəndə Xaçmaz sakinindən “patı” və marixuana aşkarlanıb
- Siyəzəndə “patı” satan şəxs saxlanılıb
- Bərdədə “patı” və heroin satan şəxslər saxlanılıb
- Salyan sakinlərindən "patı" aşkarlanıb
- Qubada Bakı sakinindən "patı" aşkarlandı
- İmişlidə "patı" ilə tutulan şəxsin digər cinayət əməlinin üstü açılıb
- Kürdəmirdə "patı" əməliyyatı: 6 nəfər saxlanılıb