Karantin qaydaları pozuldu: 5 şadlıq evi cəzalandırıldı
20:17 03 Avqust 2021
Lənkəranda toy zamanı karantin qaydalarının pozulduğu daha 5 obyekt cərimələnib.
Daxili İşlər Nazirliyinin mətbuat xidmətinin Lənkəran regional qrupundan Femida.az-a verilən məlumata görə, Lənkəran şəhər Polis Şöbəsinin əməkdaşlarının keçirdikləri müvafiq tədbirlərlə rayon ərazisində təşkil olunan daha 5 toy mərasimi zamanı karantin rejimindən irəli gələn qayda və tələblərin pozulması halları müəyyən edilib.
Belə ki, aparılan yoxlamalar zamanı “Şah Sarayı”, “Amin”, “Aydan” şadlıq saraylarında, “Şəlalə” və “Karnaval” istirahət mərkəzlərində təşkil edilən toy mərasimləri ilə bağlı məlumatların “icaze.e-gov.az” portalında qeydiyyatdan keçirilməməsi, iştirak edən qonaqların müəyyən edilmiş say həddindən çox olması halı müəyyən olunub.
Həmin obyektlərin sahibləri İnzibati Xətalar Məcəlləsinin müvafiq maddəsinə əsasən cərimə olunublar.
Ümumilikdə isə Lənkəran rayonu ərazisində iyul ayının 1-dən təşkil edilən toy mərasimləri zamanı karantin rejimindən irəli gələn tələblərin pozulması ilə bağlı 42 nəfər barəsində qanunamüvafiq tədbirlər görülüb, onlardan 3 nəfəri barəsində Cinayət Məcəlləsinin müvafiq maddəsinə əsasən cinayət işi başlanılıb.
Oxunub: 1223
Oxşar xəbərlər
- Karantin müddətinin azaldılması yanvarın 24-dən əvvəl yoluxanlara da aiddir - RƏSMİ
- Karantin rejimi ilə bağlı 24 mindən çox ticarət obyekti monitorinq edilib
- Karantin rejimi ilə bağlı 13 mindən çox ticarət obyekti monitorinq edilib
- Karantin rejimini pozan mikroavtobus sürücüləri cərimələnib
- Karantin rejimini pozan vəzifəli şəxsə cinayət işi açıldı
- Karantin qaydalarını pozan çay evləri cərimələndi
- Karantini pozan 40 nəfər həbs edilib
- Karantin qaydalarını pozan restoranlar cərimələnib
- Karantin qaydalarını pozan çayxana aşkarlandı
- Karantini pozan repetitor saxlanılıb