XİN-də konsulluq xidmətləri üzrə onlayn müşavirə keçirilib
19:01 14 Avqust 2021
Azərbaycan Respublikası Xarici İşlər Nazirliyinin Konsulluq idarəsinin nümayəndələrinin və Azərbaycan Respublikasının diplomatik nümayəndəlik və konsulluqlarında konsulluq funksiyalarını həyata keçirən məsul əməkdaşların iştirakı ilə konsulluq xidmətləri üzrə onlayn müşavirə keçirilib.
Xarici İşlər Nazirliyinin Mətbuat xidmətindən Femida.az-a verilən məlumata görə, müşavirə zamanı “Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə” Azərbaycan Respublikası Nazirlər Kabinetinin 2021-ci il 26 may tarixli 151 nömrəli Qərarında edilmiş dəyişikliklərə əsasən əcnəbilərə və vətəndaşlığı olmayan şəxslərə vizaların rəsmiləşdirilməsi ilə bağlı məsələlər, pandemiyaya dövründə ölkə vətəndaşları, əcnəbi və vətəndaşlığı olmayan şəxslərin hava, yerüstü və dəniz yolu ilə ölkə ərazisinə giriş-çıxış qaydaları müzakirə edilib, Azərbaycan Respublikasında COVID-19 xəstəliyinə qarşı mübarizə sahəsində həyata keçirilən cari tədbirlər ətrafında fikir mübadiləsi aparılıb.
Daha sonra, konsulluq xidmətlərinin elektronlaşdırılmasını nəzərdə tutan layihələr barədə məlumat verilib, eləcə də əcnəbi və vətəndaşlığı olmayan şəxslərə Azərbaycan Respublikasının diplomatik nümayəndəlik və konsulluqlarında vizaların rəsmiləşdirilməsi üzrə yeni proqram təminatı üzərində işlərin yekunlaşdırıldığı və test mərhələsi keçdikdən sonra mərhələli şəkildə tətbiqinə başlanılacağı elan edilib.
Müşavirənin sonunda Azərbaycan Respublikasının Xarici İşlər Nazirliyi, həmçinin diplomatik nümayəndəlik və konsulluqlarımızda pandemiya şəraitində vətəndaş müraciətlərinin icrası zamanı operativliyin təmin olunması və müştərək işin keyfiyyətinin yüksəldilməsi məqsədilə qarşılıqlı müzakirələr aparılıb və bu istiqamətdə zəruri təlimatlar verilib.
Femida.az
Oxunub: 1108
Oxşar xəbərlər
- XİN-də işə qəbul imtahanlarının nəticələri açıqlanıb
- XİN-dən Dirçəliş Günü XİN-dən Dirçəliş Günü təbriki
- XİN-dən Ermənistanın Azərbaycan mövqelərini atəşə tutmasına MÜNASİBƏT
- XİN-də iki yeni idarə yaradılıb
- XİN-dən erməni cinayətləri ilə bağlı AÇIQLAMA
- XİN-dən Ermənistana çağırış: Boş bəyanatlar verməyin
- XİN-dən 20 Yanvar faciəsinin ildönümü ilə bağlı BƏYANAT
- XİN-dən ermənilərin Xocavənddə törətdikləri təxribatla bağlı AÇIQLAMA
- XİN-dən fransalı deputatların Qarabağa gedəcəyi xəbərinə münasibət
- XİN-dən Mnatsakanyana CAVAB