Putin iranlı həmkarı ilə Əfqanıstandakı vəziyyəti müzakirə edib
19:10 18 Avqust 2021
Rusiya Prezidenti Vladimir Putin və İran Prezidenti İbrahim Rəisi arasında telefon söhbəti olub.
Femida.az-ın "RİA Novosti"yə istinadən verdiyi xəbərə görə, bu barədə Kreml məlumat yayıb.
Məlumatda deyilir ki, hər iki ölkə rəhbəri Əfqanıstanda sülhün və sabitliyin bərqərar olmasına kömək etməyə hazır olduqlarını bəyan ediblər.
Bundan əlavə, Putin və Rəisi İran nüvə razılaşmasının həyata keçirilməsinin bərpası perspektivlərini müzakirə ediblər və şəxsi təmasları davam etdirmək barədə razılığa gəliblər.
"Hər iki tərəf Rusiya-İran əlaqələrinin hazırkı səviyyəsindən məmnun olduqlarını ifadə edərək, çoxşaxəli qarşılıqlı əməkdaşlığın daha da inkişaf etdirilməsinin tərəfdarı olduqlarını qeyd ediblər. Bu kontekstdə ticarət və böyük ortaq layihələrin həyata keçirilməsi, koronavirusa qarşı mübarizə məsələləri müzakirə olunub", - məlumatda vurğulanır.
Bundan əlavə, Rusiya Prezidenti Vladimir Putin tacikistanlı həmkarı İmaməli Rahmonla da bu gün telefonla danışıb və söhbət zamanı daha çox Əfqanıstandakı vəziyyətlə bağlı fikir mübadiləsi aparılıb.
Femida.az
Oxunub: 430
Oxşar xəbərlər
- Putin Ukrayna taxılının ixracının şərtini açıqlayıb
- Putin və Ərdoğan arasında ikitərəfli görüş başlayıb
- Putin Ukraynada hərbi əməliyyat başlayandan bəri ilk xarici səfərə çıxacaq
- Putin Ermənistanda vəziyyətin qeyri-sabit olduğunu vurğulayıb
- Putin Təhlükəsizlik Şurasının iclasını keçirib
- Putin mühüm fərman imzaladı
- Putin Lavrovun sözlərinə görə İsrailə üzrxahlıq edib
- Putinə nə olub?
- Putin Aİ vətəndaşları üçün viza güzəştlərinin ləğvi barədə qanun imzalayıb
- Putin BMT baş katibi ilə görüşüb