Rövşən Əkbərovun məhkəməsi təxirə salınıb
11:28 25 Avqust 2021
Qəsdən adam öldürməkdə təqsirləndirilən sabiq birlik komandiri, general-leytenant Rövşən Əkbərovun cinayət işi üzrə keçirilməli olan məhkəmə prosesi təxirə salınıb.
Femida.az verir ki, Bakı Hərbi Məhkəməsində hakim Həbib Həsənovun sədrliyi ilə keçirilməli olan iclasın tərkib heyətindəki hakimlərdən biri gəlmədiyi üçün proses təxirə düşüb.
Növbəti məhkəmə baxışı sentyabrın 1-ə təyin olunub.
Qeyd edək ki, Rövşən Əkbərovun barəsində olan cinayət işi üzrə Baş Prokurorluq tərəfindən aparılan istintaq yekunlaşdırılıb.
Aparılmış istintaqla Rövşən Əkbərovun 2001-ci il mayın 31-dən iyunun 1-nə keçən gecə Kiyev şəhəri, Deqtyaryov küçəsi 7 ünvanda yerləşən “Sikora” kafesində yeyib-içdikdən sonra, saat 4 radələrində həmin kafenin yaxınlığında Elçin Əliyev ilə aralarında yaranmış cüzi münaqişə səbəbindən xuliqanlıq niyyəti ilə sonuncunun ürək nahiyəsinə kəsici-deşici predmetlə xəsarət yetirərək Elçin Əliyevi qəsdən öldürməsinə əsaslı şübhələr müəyyən edilib.
Rövşən Əkbərova Cinayət Məcəlləsinin 12.1, 120.2.2 (qəsdən adam öldürmə) və 12.1, 221.3-cü (xuliqanlıq) maddələri ilə ittiham elan edilərək, barəsində məhkəmənin qərarı ilə həbs qətimkan tədbiri seçilib.
Oxunub: 1294
Oxşar xəbərlər
- Rövşən Rzayev “Şöhrət” ordeni ilə təltif edilib
- Rövşən Əkbərov apellyasiya şikayəti verib
- Rövşən Əkbərov məhkəmədə son söz deyib
- Rövşən Əkbərovun vəkili: "Nazim İbrahimov barəsində cinayət işi başlanılmalıdır"
- Rövşən Əkbərovun məhkəməsi təxirə salınıb
- Rövşən Əkbərovun məhkəməsinin vaxtı məlum olub
- Rövşən Əkbərovun cinayət işi məhkəməyə göndərilib
- Rövşən Əkbərovun həbsinin səbəbi - Ukraynada QƏTL
- Rövşən Əkbərovun həbsi rəsmən təsdiqləndi
- Rövşən Rzayev BQXK-nın Azərbaycandakı nümayəndəliyinin rəhbəri ilə görüşüb