Polşa Belarus ilə sərhədboyu bölgələrdə fövqəladə vəziyyət elan edə bilər
22:25 02 Sentyabr 2021
Polşa Belarus ilə sərhədboyu bölgələrdə fövqəladə vəziyyət elan etməyə hazırlaşır.
Femida.az xəbər verir ki, bu addıma səbəb son bir neçə həftə ərzində Əfqanıstan və İraq qaçqınlarının iki ölkənin sərhədlərində cəmləşməsidir. Polşa tərəfi qaçqınların sərhəddə saxlanılaraq geri qaytarılması, yeni sərhəd hasarlarının tikilməsi və indi isə fövqəladə vəziyyətin elan edilməsi yolu ilə qeyri-qanuni miqrasiyanın qarşısını almağa çalışır. Otuz günlük fövqəladə vəziyyət sərhəd bölgəsində 183 yaşayış məntəqəsini əhatə etməlidir. Həmin müddətdə nümayiş və digər aksiyaların keçirilməsinə də icazə verilməyəcək. Fövqəladə vəziyyət elan edilən ərazilərdə yerli sakinlərin hərəkəti sərbəst olacaq, həmin ərazidə yaşayış qeydiyyatında olmayan şəxslərin oraya daxil olmasına icazə verilməyəcək.
Polşanın daxili işlər naziri Mariuş Kaminski hökumətin qərarını müdafiə edərək bildirib ki, hazırda qonşu Belarusla sərhəddə vəziyyət gərgin həddə çatıb. Hökumətin qərarı rəsmi qüvvəyə minməsi üçün dövlət başçısı Andjey Duda tərəfindən də təsdiqlənməlidir.
Femida.az
Oxunub: 1393
Oxşar xəbərlər
- Polşa təcili olaraq Rusiya neftindən və qazından imtina etməyi tələb edir
- Polşa, Sloveniya və Çexiya Ukraynaya dəstək planını açıqlayıb
- Polşa Prezidenti İlham Əliyevə zəng edib
- Polşa Belarusla sərhəddə hasar tikintisini gələn il tamamlayacaq
- Polşada Ukrayna peyvəndinin sınaqlarına başlanılıb
- Polşada yaşayan şəhid övladı Şuşada atasının ruhunu yad edib
- Polşada tramvaylar toqquşub - 30-dan çox yaralı var
- Polşa kanalının Qarabağ reportajı erməniləri məyus etdi
- Polşada ölən Müşviqin nəşi Azərbaycana gətirilir
- Polşa səfirliyi viza müraciətlərinin qəbulunda dəyişiklik edir