Xəzər dənizində itkin düşən və içərisində uşaqlar olan qayıq kimsəsiz adada tapıldı - VİDEO


13:47     06 Sentyabr 2021 21_09_06_1630917612.jpg

Xəzər dənizində itkin düşən qayıq Tüleniy adasının ərazisində tapılıb.

Femida.az "oxu.az”a istinadən xəbər verir ki, bu barədə TASS-a Rusiya Dəniz və Çay Nəqliyyatı Federal Agentliyindən (Rosmorreçflot) məlumat verilib.

İdarə qayıqda yeddi nəfərin olduğunu təsdiqləyib. Qayığın sərnişinləri arasında üç uşaq olub. Onların ən kiçiyi səkkiz aylıqdır.

Qeyd edək ki, Volqoqraddan Mahaçqalaya gedən qayığın itməsi barədə sentyabrın 5-də məlumat verilmişdi.

Tüleniy – Dağıstana məxsus kimsəsiz adadır. 20-ci əsrin birinci yarısında orada balıq fabriki fəaliyyət göstərib və qəsəbə salınıb.

Lakin Xəzər dənizinin səviyyəsinin yüksəlməsi və balıq ehtiyatlarının azalması səbəbindən oradakı yaşayış məntəqəsi ləğv olunub.





Açar sözlər:

Oxunub: 871