Tağı Əhmədov və Məlahət İbrahimqızı YAP-dakı vəzifələrindən azad olunublar
16:25 10 Sentyabr 2021
Hakim Yeni Azərbaycan Partiyasının (YAP) Bakı üzrə 9 rayon təşkilatının sədrləri vəzifəsindən azad edilib.
Femida.az xəbər verir ki, bununla bağlı partiyanın İdarə Heyətinin bu gün keçirilən iclasında qərar qəbul olunub. Belə ki, iclasda partiyanın rayon təşkilatlarına yeni sədrlərin təyin olunması məsələsi müzakirə edilib. Partiyanın vəzifədən azad olunan rayon təşkilatlarının sədrləri aşağıdakılardır:
Səbail rayon təşkilatının sədri Şəmsəddin Hacıyev, Yasamal rayon təşkilatının sədri Tağı Əhmədov, Nəsimi rayon təşkilatının sədri deputat Məlahət İbrahimqızı, Qaradağ rayon təşkilatının sədri, deputat Aydın Hüseynov, Nizami rayon təşkilatının sədri, deputat Sədaqət Vəliyeva, Binəqədi rayon təşkilatının sədri Ramiz Göyüşov, Pirallahı rayon təşkilatının sədri Hikmət Şikarov, Nərimanov rayon təşkilatının sədri Təmraz Tağıyev, Sabunçu rayon təşkilatının sədri Mehriban Abasquliyeva.
Bundan əlavə, iclasda Vüqar Seyidov yenidən Suraxanı rayon təşkilatının sədri, Namiq Əhmədov isə yenidən Xəzər rayon təşkilatının sədri vəzifəsinə təyin olunub.
Xatırladaq ki, bu ilin aprel ayında partiyanın Xətai rayon təşkilatının sədri Hüseynbala Mirələmovun sosial şəbəkələrdə qeyri-etik hərəkətlərinin olduğu videosu yayıldıqdan sonra o, vəzifəsindən azad edilib. H.Mirələmov eyni zamanda YAP üzvlüyündən xaric edilib.
Femida.az
Oxunub: 660
Oxşar xəbərlər
- Tağı Əhmədov YAP-ın binasında adam döyübmü? - 2 milyonluq məhkəmənin detalları
- Tağı Əhmədovdan 2 milyon sələm götürənlər məhkəmədən qaçdı - Axtarışa verildilər
- Tağı Əhmədov nə qədər pensiya alır? — Məbləği özü açıqladı
- Tağıyevin nəticəsi ilk dəfə Bakıya gəldi
- Tağıyevin heykəli belə olacaq - FOTO
- Tağıyevin heykəlinin ucaldılacağı yer məlum olub
- Tağı Əhmədovun telefonu qanunsuz dinlənilib -Əməliyyata Çovdarov başçılıq edibmiş
- Tağıyev qəsəbəsində təhlükəli tapıntı
- Tağıyevə heykəl qoyulması üçün müsabiqə elan ediləcək
- Tağıyevin faciəli ölümü - İndiyə qədər gizli qalan tarix