Aİ-nin yeni səfiri Azərbaycana gəlib


16:29     10 Sentyabr 2021 2021/09/68097dec-7206-37c1-9fa8-84a36d49df78_850_1631277037.jpg

Avropa İttifaqının (Aİ) Azərbaycandakı nümayəndəliyinin yeni rəhbəri, səfir Petr Mixalko Bakıya gəlib.

Bu barədə Femida.az-a Aİ-nin Azərbaycandakı nümayəndəliyindən məlumat veriblər.

Diplomat etimadnaməsini Azərbaycan Prezidenti İlham Əliyevə təqdim etdikdən sonra vəzifəsinin icrasına başlayacaq.

Xatırladaq ki, avqustun 4-də Aİ-nin xarici siyasət və təhlükəsizlik məsələləri üzrə ali nümayəndəsi Jozep Borrel slovakiyalı diplomat Petr Mixalkonun Aİ-nin Azərbaycandakı səfiri vəzifəsinə təyin edildiyini bildirmişdi.

P.Mixalko bundan öncə Avropa İttifaqının Moldova Respublikasındakı nümayəndəliyinin rəhbəri, daha əvvəl isə Slovakiyanın Yunanıstandakı səfiri olub.

Femida.az

Açar sözlər:

Oxunub: 830