Rusiyada təyyarə sərt eniş edib, xəsarət alanlar var


21:50     12 Sentyabr 2021 2021/09/613e34dd3d844613e34dd3d8451631466717613e34dd3d842613e34dd3d843_1631467680.jpg

Rusiyanın İrkutsk vilayətində “L-410” tipli təyyarə sərt eniş edib.

Femida.az xəbər verir ki, bu barədə TASS-a təcili tibbi yardım xidmətindən bildirilib.

“İlkin məlumatlara görə, Kazaçinskoye kəndindən 4 km cənub-qərbdə İrkutskdan Kazaçinskoye istiqamətində uçan “L-410” təyyarəsi sərt eniş edib. Təyyarənin göyərtəsində ikisi ekipaj üzvü olmaqla 14 nəfər olub”, - məlumatda belə deyilir. Bildirilir ki, nəticədə bir neçə nəfər xəsarət alıb.

Təyyarə eniş zamanı alışıb, ağaclara dəyərək qəzaya uğrayıb. Bir neçə nəfər xəsarət alıb, onlardan bəziləri sərbəst şəkildə təyyarədən düşüblər. Hadisə yerinə xilasedicilər cəlb olunub.

Hadisənin ya dumanda eniş etmək istəyən ekipajın səhvi, ya da mühərrikin sıradan çıxması ucbatından baş verdiyi ehtimal olunur.

Femida.az

Açar sözlər:

Oxunub: 165