Sentyabrın 27-də Azərbaycanda Anım Günü qeyd olunacaq
19:20 23 Sentyabr 2021
Azərbaycan Respublikası Prezidenti İlham Əliyevin 2 dekabr 2020-ci il Sərəncamına əsasən Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-i Azərbaycanda Anım Günü kimi qeyd ediləcək.
Bununla əlaqədar olaraq bu il sentyabrın 27-də bir sıra tədbirlərin keçirilməsi nəzərdə tutulur.
Təşkilat Komitəsindən Femida.az-a verilən məlumata görə, Anım Günündə şəhidlərimiz Azərbaycanda fəaliyyət göstərən dini məbədlərdə - məscidlərdə, kilsələrdə, sinaqoqlarda dərin ehtiramla yad olunacaq, Azərbaycanın ərazi bütövlüyü uğrunda canından keçmiş Vətən övladlarının ruhuna dualar oxunacaq.
Saat 12:00-da ölkə ərazisində şəhidlərin əziz xatirəsi bir dəqiqəlik sükutla yad ediləcək.
Axşam saatlarında xüsusi işıqlandırma ilə bir sıra binalarda, o cümlədən Heydər Əliyev Mərkəzinin binasının və “Alov qüllələri”nin üzərində Azərbaycan bayrağı əks olunacaq. Heydər Əliyev Fondunun “Regional İnkişaf” İctimai Birliyi tərəfindən anım tədbirləri keçiriləcək.
Anım Günü ilə əlaqədar mərkəzi və yerli icra hakimiyyəti strukturları ölkə miqyasında bir sıra tədbirlər təşkil edəcək, eləcə də ölkəmizin xaricində anım mərasimləri keçiriləcəkdir.
Femida.az
Oxunub: 1278
Oxşar xəbərlər
- Sentyabrın 6-dan Azərbaycana daha 13 ölkədən uçuşlara icazə verilir
- Sentyabrın ilk gününə olan hava açıqlanıb
- Sentyabrın 15-dən məktəblər açıla bilər - BU ŞƏRTLƏ
- Sentyabrın 27-dən bəri ermənilər 41 azərbaycanlı mülki şəxsi öldürüb
- Sentyabrın 30-na manatın məzənnəsi
- Sentyabrın 27-ə manatın məzənnəsi
- Sentyabrın 26-na manatın məzənnəsi
- Sentyabrın 25-ə manatın məzənnəsi
- Sentyabrın 16-na manatın məzənnəsi
- Sentyabrın 12-nə manatın məzənnəsi