Zaqatalada arvadını balta ilə öldürən kişi Psixiatriya Xəstəxanasına göndərilib
15:51 25 Sentyabr 2021
Şəki Ağır Cinayətlər Məhkəməsində Zaqatalada arvadını qətlə yetirməkdə təqsirləndirilən F.İsmayılovun cinayət işi üzrə məhkəmə iclası başa çatıb.
Femida.az-ın xəbərinə görə, hakim Rafail Əliyevin sədrliyi ilə keçirilən prosesdə hökm oxunub.
Hökmə əsasən, F.İsmayılovun cinayət əməlini anlaqsız vəziyyətdə törətdiyi sübuta yetirilmiş hesab olunub və o, cinayət məsuliyyətindən azad olunub.
Təqsirləndirilən şəxs barəsində Cinayət Məcəlləsinin 95.0.3-cü (Psixi pozuntusu olan şəxslərə təyin edilən tibbi xarakterli məcburi tədbirlərin növləri, ixtisaslaşdırılmış psixiatriya stasionarlarında məcburi müalicə) maddəsinə uyğun olaraq ixtisaslaşdırılmış psixiatriya stasionarında məcburi müalicə növündə tibbi xarakterli məcburi tədbirlər təyin edilib.
Qərarın icrası Azərbaycan Səhiyyə Nazirliyinin 1 saylı Respublika Psixiatriya Xəstəxanasına tapşırılıb.
İttihama görə, 2020-ci il oktyabrın 21-i saat 15 radələrində Zaqatala rayonu, Yengiyan kənd sakini, 1978-ci il təvəllüdlü Z.İsmayılovanın öldürülməsi barədə rayon prokurorluğuna məlumat daxil olub.
Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.
Aparılan araşdırmalarla zərərçəkmişin əri F.İsmayılovun ailə-məişət münasibətləri zəminində aralarında yaranmış münaqişə zamanı balta ilə xəsarətlər yetirərək Z.İsmayılovanı qəsdən öldürməsinə əsaslı şübhələr müəyyən edilib.
F.İsmayılov şübhəli şəxs qismində tutularaq istintaqa cəlb olunub.
İstintaq orqanı tərəfindən onun barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.
Femida.az
Oxunub: 380
Oxşar xəbərlər
- Zaqatalada 40 ağacın kəsilməsi ilə bağlı cinayət işi başlanılıb
- Zaqatalada 1 tondan artıq narkotik tərkibli bitki məhv edilib
- Zaqatalada hazırlıq mərkəzinin rəhbəri cərimələnib
- Zaqatalada 23 yaşlı ana doğuşdan sonra ölüb
- Zaqatalada qanunsuz küçə ticarəti ilə məşğul olanlar cərimələnib
- Zaqatalada qaydaları pozan 39 sürücü cərimələnib
- Zaqatalada narkotacir tutulub
- Zaqatalada yol polisi reyd keçirib, piyadalar cərimələnib
- Zaqatalada qadının xəstəxanada ölməsi ilə bağlı cinayət işi açılıb
- Zaqatalada piyada keçidlərindən istifadə etməyənlər cərimələnib