Yaxın günlərdə havanın keyfiyyətinin əlverişli olacağı gözlənilir
20:21 04 Oktyabr 2021
Milli Hidrometeorologiya Xidmətinin əməkdaşları tərəfindən atmosfer havasının keyfiyyətinə nəzarət məqsədilə 1-4 oktyabr tarixlərində Bakı, Sumqayıt və Gəncə şəhərlərinin müxtəlif ərazilərində monitorinqlər həyata keçirilib, havada dispers toz hissəciklərinin miqdarı üzrə ölçmələr aparılıb.
Xidmətdən Femida.az-a verilən məlumata görə, qurumun əməkdaşı Gülnarə Abbasova bildirib ki, atmosfer havası üzrə avtomatik stansiyalardan əldə olunan məlumatlara əsasən havada tozun miqdarı norma daxilində olsa da, Bakı şəhərində dəm qazı 1.5, azot 4-oksid 1.4, Gəncə şəhərində kükürd və dəm qazı 1.3, Sumqayıt şəhərində isə hidrogen sulfid 1.5 dəfə normadan çox olub.
"Bakı şəhərində keçirilən monitorinqlərin nəticələrinə görə, atmosfer havasının çirklənmə səviyyəsi ötən illərlə müqayisədə azalıb. Belə ki, tozla bağlı transsərhəd çirklənmənin olmaması səbəbindən havada tozun miqdarı normadan aşağı qeydə alınıb".
G.Abbasova onu da qeyd edib ki, 1-4 oktyabr tarixlərində şimal-şərq küləklərinin üstünlüyü çirkləndirici qaz qarışıqlarının intensiv səpələnməsinə şərait yaradıb və havanın keyfiyyəti qənaətbəxş olub.
"7 oktyabr tarixinədək yağıntılı və küləkli hava şəraitinin olacağını nəzərə alsaq, yaxın günlərdə də havanın keyfiyyətinin əlverişli olacağı gözlənilir".
Oxunub: 474
Oxşar xəbərlər
- Yaxın iki gün ərzində temperatur yüksələcək, külək əsəcək
- Yaxın iki gündə Bakıda hava şəraiti bir qədər mülayimləşəcək
- Yaxın iki gündə Bakıda hava şəraiti bir qədər mülayimləşəcək
- Yaxın 3 gün ərzində gözlənilən hava şəraiti açıqlanıb
- Yaxın vaxtlarda Azərbaycan-Pakistan Birgə Komissiyasının iclası keçiriləcək
- Yaxın illərdə su altında qalacaq şəhərlər məlum olub
- Yaxın həftələrdə bütün məktəblərin distant tədrisə keçməsi planlaşdırılmır
- Yaxın vaxtlarda Talış və Suqovuşana 500-ə yaxın ailə köçürüləcək
- Yaxın günlərdə ali məktəblərə ərizələrin qəbuluna başlanılacaq
- Yaxın günlərdə 190 manat ödənişləri olacaq