Ağac kəsənlərə cinayət işi açılıb
18:12 06 Oktyabr 2021
Bəzi kütləvi informasiya vasitələrində paytaxtın Nərimanov rayonu, Dərnəgül 1 ünvanı ilə Z.Bünyadov prospektinin kəsişməsindəki yaşıllıq zolağında 60 ədəd ağacın özlərini “Vətən müharibəsi əlillərinə kömək” ictimai birliyinin əməkdaşları kimi təqdim edən bir qrup şəxs tərəfindən kəsilərək məhv edilməsi ilə bağlı məlumatlar yayılıb.
Bu barədə Femida.az-a Baş Prokurorluğun Mətbuat xidmətindən məlumat verilib.
Bildirilib ki, qeyd edilən ərazidə ağacların kəsilməsi ilə əlaqədar Nərimanov rayon polis idarəsinin 17-ci polis şöbəsində vətəndaş müraciətləri əsasında araşdırma aparılmış, toplanmış material Nərimanov rayon prokurorluğu tərəfindən öyrənilməklə fakta görə Cinayət Məcəlləsinin 259.1-ci (meşələrdə və ya xüsusi mühafizə olunan təbiət ərazilərində ağacların, kolların və ya digər yaşıllıqların qanunsuz kəsilməsi xeyli miqdarda ziyan vurduqda) maddəsi ilə cinayət işi başlanaraq istintaqın aparılması rayon polis idarəsinin İstintaq şöbəsinə tapşırılıb.
Hazırda iş üzrə istintaq davam edir.
Oxunub: 447
Oxşar xəbərlər
- Ağacların kəsilməsi ilə bağlı toplanmış sənədlər Baş Prokurorluğa göndərilib
- Ağacları qanunsuz kəsdiyinə görə şirkətə cinayət işi açılıb
- Ağacların kəsilməsi ilə bağlı toplanmış sənədlər prokurorluğa göndərilib
- Ağacları kəsən şəxs cəzalandırılıb
- Ağacları kəsən şəxsə cinayət işi açıldı
- Ağacların yanması ilə bağlı şikayət araşdırılıb
- Ağacları kəsən şirkət cəzalandırılıb
- Ağacların məhv edilməsilə bağlı sənədlər hüquq-mühafizə orqanlarına göndərildi
- Ağacla döyülən qadının şikayəti DİN-in nəzarətinə götürülüb
- Ağacları kəsən sex sahibi ilə bağlı Quba Rayon Prokurorluğundan açıqlama