"Azərbaycanla birgə hərbi təlimlər başqalarının əleyhinə deyil" - Mövlud Çavuşoğlu


11:36     07 Oktyabr 2021 2021/10/8D349393-49F3-4054-B405-3E2E728394CC_1633593079.png

"Türkiyə və Azərbaycan arasındakı münasibətləri heç kimsə poza bilməz. Boş yerə səy göstərməsinlər, enerji sərf etməsinlər".

Femida.az xəbər verir ki, bu fikirləri "Report"a Türkiyənin xarici işlər naziri Mövlud Çavuşoğlu deyib.

"Biz beynəlxalq hüquq normalarına uyğun olaraq Türkiyədə, Azərbaycanda hərbi təlimlər keçirə və əməkdaşlıq edə bilərik. Sadəcə, Azərbaycan deyil, Türkiyə də daxil olmaqla hər bir ölkə istənilən dövlətlə müxtəlif sahələrdə əlaqələr qura bilər. Əgər onların bizə zərəri yoxdursa, bu ölkələrə üzümüzü çevirib "siz niyə belə edirsiniz?" sualını vermirik.

Bizim də Azərbaycanla olan yaxın qardaşlığımız, münasibətimiz və iş birliyimiz, hərbi təlimlərimiz kiminsə əleyhinə deyil. Ona görə də kimsə boş yerə narahat olmasın. Bizim bu birliyimiz başqalarının əleyhinə olan bir qardaşlıq və həmrəylik deyil", - o bildirib.


Femida.az

Açar sözlər: #Türkiyə   #Azərbaycan    

Oxunub: 484