Ermənilərin basdırdıqları minaya öz vətəndaşları düşüb


19:44     09 Oktyabr 2021 21_10_09_1633794291.jpg

Ermənistanın Azərbaycanla sərhəddəki Tavuş əyalətində mina partlayıb.

Femida.az xəbər verir ki, bu barədə “Shamshanyan.com” məlumat yayıb.

Məlumata görə, partlayış nəticəsində Berd rayonunun Çinari kənd sakini, 30 yaşlı Nver Makaryan xəsarət alıb. Ona ilkin yardım göstərilib və yaralı hərbi hospitala yerləşdirilib.

Qeyd edək ki, Azərbaycan ərazilərinə, habelə respublikamızın Ermənistanla sərhəddəki rayonlarına minalar ermənilər tərəfindən basdırılıb. Azərbaycan tərəfinin dəfələrlə tələb etməsinə baxmayaraq, Ermənistan hələ də mina xəritələrini təhvil verməkdən imtina edir.

Açar sözlər:

Oxunub: 232