Əfqanıstanın keçmiş prezidentinin mühafizəçisi: “Əşrəf Qani ölkədən milyonlarla dolları aparıb”
09:31 10 Oktyabr 2021
Əfqanıstanın keçmiş prezidenti Əşrəf Qaninin təhlükəsizlik xidmətinin rəhbəri Piraz Ata Şarifi onda sabiq dövlət başçısının ölkədən milyonlarla dollarla qaçmasını sübut edən videogörüntünün olduğunu bildirib.
Femida.az xəbər verir ki, bu barədə “RİA Novosti” agentliyi məlumat yayıb.
Şarifinin sözlərinə görə, onda prezident sarayının müşahidə kameralarının külli miqdarda pulun Əfqanıstanın keçmiş lideri tərəfindən ölkədən çıxarılmasını təsdiqləyən görüntüləri var.
"Məndə Əfqanıstanın Mərkəzi Bankının işçisinin külli miqdarda pulu Qaniyə o ölkədən getməzdən əvvəl gətirdiyini əks etdirən videogörüntülər var. Yüz milyonlarla, ola bilsin, milyardlarla dollar. Bu pul valyuta birjası üçün nəzərdə tutulurdu", - Qaninin keçmiş mühafizəçisi bildirib.
Prezidentin mühafizə xidmətinin sabiq rəhbəri qeyd edib ki, təhlükəsiz şəraitdə olan kimi sübutları təqdim edə biləcək. Qeyd edək ki, Piraz Ata Şarifi Əfqanıstandan təxliyə etməyə müvəffəq olmayıb, o indi "Taliban" hərəkatının silahlılarından gizlənir.
Femida.az
Oxunub: 822
Oxşar xəbərlər
- Əfqanıstanda “Əl-Qaidə” terror təşkilatının lideri öldürülüb
- Əfqanıstandan Özbəkistan ərazisinə 5 raket atılıb
- Əfqanıstanda güclü zəlzələ olub, 255 nəfər ölüb
- Əfqanıstan və Tacikistan sərhədçiləri arasında silahlı toqquşma olub
- Əfqanıstanda məsciddə partlayış törədilib
- İran-Əfqanıstan sərhədində atışma olub, iki iranlı hərbçi ölüb
- Əfqanıstanın paytaxtında partlayış baş verib, ölənlər və xəsarət alanlar var
- "Əfqanıstan xalqının yanında olmağa davam edəcəyik" - Ərdoğan
- Əfqanıstanda "Taliban" hökuməti dövründə 260-a yaxın media orqanı bağlanıb
- Əfqanıstan Türkiyəyə uçuşları bərpa edir