"Hadrutda kütləvi səfalət hökm sürüb"- Prezident
13:34 10 Oktyabr 2021
Azərbaycanın inzibati-ərazi bölgüsünə görə Hadrut qəsəbəsi Xocavənd rayonunun tərkib hissəsidir və vaxtilə keçmiş Dağlıq Qarabağ Muxtar Vilayətinə aid olan Hadrut və Martuni rayonları birləşdirilərək, - onları biz birləşdirdik, - Xocavənd rayonu yaradıldı. Keçmiş Martuni rayonunun da təqribən 55-60 faizi işğalçılardan azad edilib və Azərbaycan vətəndaşları o bölgələrə də qayıdacaqlar.
Femida.az xəbər verir ki, bu barədə Prezident İlham Əliyev Xocavənd rayon ictimaiyyətinin nümayəndələri ilə görüşündə bildirib.
“Hadrut qəsəbəsinə baxdıqda hər kəs bir daha görür ki, ermənilər bu torpaqları özləri üçün doğma torpaq saymırdılar. Çünki baxın, nə gündədir Hadrut. Siz Hadrutu tanıyırsınız, burada yaşamısınız, olmusunuz, yaxın kəndlərdə də yaşamışınız, burada bir neçə kəndin nümayəndələri var. Burada demək olar ki, 30 il ərzində heç nə dəyişilməyib, hərbçilər üçün iki bina tikilmişdi, bir məktəb də təmir olunmuşdu. Qalan bütün binalar necə var idi, elə də qalıb. Yəni, kütləvi səfalət hökm sürüb, bir daş daş üstünə qoyulmayıb”, - deyə dövlətimizin başçısı qeyd edib.
Prezident deyib ki, onlar hər il marafon düzəldirdilər, hər il təqribən yüz milyon dollardan çox pul yığılırdı. Amma buradakı bütün kəndlərin hamısı bərbad vəziyyətdədir: “İndi bizim inşaatçılar bəzi kəndlərə gedirlər, təhlil aparırlar ki, binaların 95 faizi yararsız vəziyyətdədir. Bəs, yığılan bu milyardlar hara gedib? Deməli, Ermənistan rəhbərliyi, onun keçmiş oğru rəhbərliyi, sadəcə olaraq, dünyanın zəngin ermənilərini aldadaraq, marafonlar düzəldərək o pulları cəlb edib özləri üçün bildikləri kimi xərcləyiblər”.
Femida.az
Oxunub: 620
Oxşar xəbərlər
- Baş qərargah rəisi qəfil Şuşa və Hadruta gedib
- Hadrutda daha iki erməni hərbçinin cəsədi tapıldı
- "Biz Hadrutu beynəlxalq mədəniyyət və turizm mərkəzinə çevirmək əzmindəyik”- Dövlət başçısı
- "Zəfər yolu dediyimiz tarixi yol, Hadrut meşələrindən keçirdi”- İlham Əliyev
- İlham Əliyev: "Ermənilər hesab edirdilər ki, Azərbaycan Ordusu Hadrutu heç vaxt azad edə bilməz"
- Prezident: "Ermənilər Hadruta İrandan XIX əsrdə köçürülüblər"
- "Hadrutu az itkilərlə götürmək əzmində idik və buna da nail olduq"- Dövlət başçısı
- Prezident: "Hadrut əməliyyatı ilə bir daha gücümüzü Ermənistana və dünyaya göstərdik"
- İlham Əliyev: "Hadrutun azad olunması gələcək planlarımız üçün yeni imkanlar açdı"
- “Döyüşərək, qan tökərək, şəhidlər verərək qayıtmışıq"- Prezident