Kəhrizlərin atlası hazırlanıb


19:12     13 Oktyabr 2021 2021/10/F6224070-DE7D-45B4-83FF-3A8D8E1983EC_1634152354.jpeg

Azərbaycan Mİlli Elmlər Akademiyasının Coğrafiya İnstitutu tərəfindən Azərbaycan kəhrizlərinin atlası hazırlanıb.

İnstututdan Femida.az -a verilən xəbərə görə, atlas BMT-nin Beynəlxalq Miqrasiya Təşkilatının Koreya Beynəlxalq İnkişaf Agentliyinin (KOİCA) maliyyə dəstəyi və Azərbaycan Respublikası Prezidentinin Administrasiyası, Qaçqınların və Məcburi Köçkünlərin işləri üzrə Dövlət Komitəsi, “Azərsu” ASC-nin rəsmi dəstəyi ilə “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin inteqrə edilmiş inkişafı” layihəsi əsasında hazırlanıb.

İnstitutun dissertantı Rauf Əmənovun sahibi olduğu “Caucasus Geo Survey” MMC-nin ərsəyə gətirdiyi atlasda Azərbaycanın bölgələrində yerləşən hər bir kəhrizin texniki qiymətləndirilməsi öz yerini tapıb, kəhrizlərin su sərfi, yerli əhali üçün içməli olub-olmaması və s. haqqında məlumatlar toplanıb.

Layihəyə əsasən azkahriz.az saytı işlənərək istifadəyə verilib və eləcə də kəhrizlərin ölkə ərazisində coğrafi paylanması xəritəsi də hazırlanaraq çap edilib.


Femida.az

Açar sözlər: #Kəhriz    

Oxunub: 209