Yəməndə hava zərbəsi zamanı 160-dan çox husi öldürülüb
10:48 17 Oktyabr 2021
Səudiyyə Ərəbistanının başçılıq etdiyi Ərəb koalisiyasının Yəməndə husilərə hava zərbələri nəticəsində 160-dan çox üsyançısı öldürülüb.
Femida.az xəbər verir ki, bu barədə "Al Arabiya" telekanalı məlumat yayıb.
Aviazərbələr uzun müddətdir husilərlə hökumət qüvvələri arasında şiddətli döyüşlərin getdiyi strateji əhəmiyyətli Marib şəhərinin cənubuna endirilib.
Məlumata görə, son 24 saat ərzində bölgəyə endirilən aviazərbələr nəticəsində 11 ədəd texnika da sıradan çıxarılıb.
Qeyd edək ki, oktyabrın 14-də Yəməndə husilər Marib əyalətinin mərkəzinə yaxın bir sıra əraziləri ələ keçirib.
Yəməndə üsyançılarla hökumət qüvvələri arasında silahlı qarşıdurmalar 2014-cü ildən davam edir. Bu illər ərzində on minlərlə dinc sakin hərbi əməliyyatlardan zərər çəkib, minlərlə insan həlak olub. Vətəndaş müharibəsi ölkəyə külli miqdarda ziyan vurub.
Oxunub: 771
Oxşar xəbərlər
- Yəməndə silah anbarında partlayış olub, ölən və yaralananlar var
- Yəməndə hava limanında partlayış baş verib
- Yəməndə Müdafiə nazirinə raketlərlə hücum etdilər
- Yəməndə yenə dinc sakinlər öldürüldü
- Yəməndə 3 pedofil edam edildi
- Yəməndən Səudiyyəyə ballistik raket atılıb
- Yəməndən Səudiyyə Ərəbistanına raket atılıb: yaralılar var