Xalası qızına 26 min "atan" qadının işi məhkəməyə göndərilib
16:26 26 Oktyabr 2021
Füzuli rayonunda xalası qızına dələduzluq edən qadının cinayət işi məhkəməyə göndərilib.
Bu barədə Femida.az-a Füzuli rayon prokurorluğundan məlumat verilib.
Bildirilib ki, rayon sakini Maral Xəlilovanın öz qohumunun etibarından sui-istifadə edərək ona qarşı dələduzluq etməsi faktı ilə bağlı Füzuli Rayon Prokurorluğunda Cinayət Məcəlləsinin müvafiq maddələri ilə başlanan cinayət işi üzrə istintaq tamamlanıb.
İstintaqla müəyyən edilib ki, Maral Xəlilova xalası qızı Xumar Əbdüləzimovanın etibarından sui-istifadə edərək sonuncunun oğlu Qorxmaz İdriszadə barəsində Füzuli Rayon Polis şöbəsinin İstintaq bölməsində istintaq edilən cinayət işinin Cinayət Məcəlləsinin daha yüngül məsuliyyət nəzərdə tutan maddəsinə tövsif edilməsində köməklik edəcəyi adı ilə ondan ümumilikdə 23 min manat məbləğində pul alıb.
Maral Xəlilovaya Cinayət Məcəlləsinin 178.2.2, 178.2.4 (xeyli miqdarda ziyan vurmaqla təkrar dələduzluq) və 32.4, 312.2 (vəzifəli şəxs tərəfindən bilə-bilə qanunsuz hərəkətlər etməyə görə ona rüşvət verməyə təhrik etmə) maddələri ilə ittiham elan olunub və barəsində həbs qətimkan tədbiri seçilib.
Cinayət işi baxılması üçün aidiyyəti üzrə Lənkəran Ağır Cinayətlər Məhkəməsinə göndərilib.
Femida.az
Oxunub: 437
Oxşar xəbərlər
- Bakıda dünya çempionunun qətli ilə bağlı “Emin 444”ün xalası oğlu tutulub
- Xalası qızını aldadan qadının işi məhkəməyə göndərilib
- Şabranda xalası oğlunu öldürən şəxsə hökm oxunub
- Xalası oğlunu öldürən şəxsin məhkəməsi başlayır
- Həbsdə olan xalası oğluna telefon gətirdi, amma...
- Xalası oğlu üçün həbsxanaya "telefon" keçirmək istədi - TUTULDU
- Həbsdəki xalası oğluna telefon keçir istədi
- Xalası qızını öldürən şəxs 17 il azadlıqdan məhrum edilib
- Elinanın xalası qızına ölüm təhdidi - Prokurorluq işə qarışdı
- Qubada evində ayı saxlayan sabiq nazirin xalası oğluymuş – Təfərrüat +VİDEO