Türkiyə və Rusiyanın xarici işlər nazirləri görüşüb


09:18     31 Oktyabr 2021 21_10_30_1635622527.jpg

Türkiyənin Xarici işlər naziri Mevlud Çavuşoğlu rusiyalı həmkarı Sergey Lavrovla görüşüb.

Femida.az -ın Rusiyanın XİN-ə istinadən xəbərinə görə, görüş Romada Böyük İyirmiliyin zirvə görüşü çərçivəsində baş tutub.

Görüş zamanı diplomatlar Qafqazda və Balkanlarda vəziyyətin sabitləşməsi üçün iki ölkənin səylərinin birləşdirilməsinin vacibliyinə diqqət çəkiblər. Həmçinin Bosniya məsələsinin həlli üçün çoxtərəfli formatlardan istifadə də müzakirə olunub.

Diplomatlar cənubi Qafqazda iqtisadi və nəqliyyat əlaqələrinin bərpası üçün regional 3-3 mexanizminin işə salınması barədə də fikir mübadiləsi aparıblar.

Görüşdə həmçinin beynəlxalq və ikitərəfli məsələlər müzakirə olunub.

Açar sözlər:

Oxunub: 368